影片
更多
2025-03-26
108 瀏覽
今日同朋友經開太子，有少少肚餓，想搵地方坐低又傾吓偈，見到呢間好燒式串燒店，諗起以前都幾經常喺宵夜時段幫襯港式串燒店，有一段日子無食港式串燒，而order食物份量又易控制，於是就拉咗朋友入去。串燒店位置喺旺角睿景酒店前面，附近有中港旅遊巴士站。店員話宵夜時段營業到凌晨2點，真係啱晒夜貓。坐低見到落單紙上嘅串燒類食物有接近成40種，仲有燒海鮮，泰式、日式小食，飽肚啲嘅連意粉類都有。餐廳裝修木系風格，整體環境乾淨又燈火通明，成晚仲有千禧年代嘅粵語流行曲放題。✔️燒日本雞泡魚乾$52坐低二話不說就點咗燒雞泡魚乾，呢個可以稱得上係我好鍾意嘅燒烤小食之一。金黃微焦的魚乾帶淡淡炭香，又帶有蜜糖+ 醬油調味的甜鹹交織，好有嚼勁，尾韻有微甘，會越食越上癮。 ✔️蒜蓉燒聖子王（一隻）/$80蒜蓉燒扇貝（一隻）$60蟶子和扇貝係時價，需要問返侍應實際價錢，以為海鮮類要兩隻同款起叫，原來單隻叫都得。聖子王長度長過我隻手掌，切件上，仲有金菇托底，味道真係好鮮甜。侍應推介扇貝，當晚扇貝好大隻，果然Q彈爽口，加上蒜蓉、蟹籽、蔥花調味，真心有質素。✔️蒜蓉燒蠔$36/煙肉燒蠔$36燒蠔有4種口味可揀，自己覺得用蒜蓉燒永遠
✔️燒日本雞泡魚乾$52
坐低二話不說就點咗燒雞泡魚乾，呢個可以稱得上係我好鍾意嘅燒烤小食之一。金黃微焦的魚乾帶淡淡炭香，又帶有蜜糖+ 醬油調味的甜鹹交織，好有嚼勁，尾韻有微甘，會越食越上癮。
✔️蒜蓉燒聖子王（一隻）/$80蒜蓉燒扇貝（一隻）$60
蟶子和扇貝係時價，需要問返侍應實際價錢，以為海鮮類要兩隻同款起叫，原來單隻叫都得。聖子王長度長過我隻手掌，切件上，仲有金菇托底，味道真係好鮮甜。侍應推介扇貝，當晚扇貝好大隻，果然Q彈爽口，加上蒜蓉、蟹籽、蔥花調味，真心有質素。
✔️蒜蓉燒蠔$36/煙肉燒蠔$36
燒蠔有4種口味可揀，自己覺得用蒜蓉燒永遠都咁好食，而呢度嘅蒜蓉係多到覆蓋晒成隻生蠔，上面剁碎嘅辣椒蓉，令到口味更豐富。朋友點嘅煙肉燒生蠔，上面嘅煙肉醃晒味切粒，口味一樣咁豐富。
✔️香煎鵝肝配紅酒汁(2件) $138
朋友強烈要求要點鵝肝，煎鵝肝火候掌握得好好，外層煎至焦糖色，脂香爆炸，淋上的紅酒汁酸度又平衡咗油膩感，旁邊配有沙律蔬菜，俾我哋清埋！
✔️朝日啤酒（大支裝）$39食串燒唔可以缺少嘅啤酒叫咗Asahi, 麥芽香、苦味低、氣泡綿密，解渴又解壓！一支飲足一餐。
張貼
