古月

營業中

休息中

喺北角都食到新加坡既水準，古月喺北角嚟講都算有啲名氣，lunch time都唔係成日食到，因為都有唔少熟呢區既人等位，今日撞啱早左出去食lunch就試下。今日試左呢度既《黑白胡椒肉骨茶》配米粉，先講講個湯頭，非常之重胡椒既香味，而且每一啖都帶有蒜香，真係十分之正。配埋米粉食，真係連湯都飲埋呀。再講吓啲肉，每一條骨都煲到十分之淋，十分之容易入口，而且保留左肉既解甜，並唔會因為咁既＜鞋拾拾＞。配上跟餐既甜豉油又有另一番風味。除此之外，亦跟左幾片油炸鬼，用嚟跟湯食又係一種享受。