八八嫩豆腐鍋

營業中

休息中

韓國朋友介紹嘅餐廳，好食又抵食。餐廳感覺乾淨，每枱有乾/濕紙巾、牙線、水壺、紙杯。Servers好好笑容。 ✦ 前菜有泡菜、芽菜、年糕、韓式粉絲。泡菜酸辣適中，年糕煙韌，粉絲爽滑。 ✦ 烤牛小扒套餐 (配海鮮豆腐鍋加拉麵、石鍋飯) 超飽肚。牛小扒成五六塊，牛味濃郁、口感嫩滑，近骨位置焦香、口感爽彈。海鮮豆腐鍋足料，蟹腳、蜆、魷魚等，豆腐大份、嫩滑、帶豆香，湯底鮮甜香辣，加生蛋後更為鮮香。石鍋飯粒粒分明，略帶嚼勁，米香濃郁。 ✦ 泡菜嫩豆腐鍋豆腐份量幾乎多一倍，同樣嫩滑，湯底少份鮮甜、多種豆香味，好滿足。 好令人舒服嘅餐廳，感覺high-class, 價錢親民，中上環返工一族可以嚟獎勵自己。