八八嫩豆腐鍋

營業中

休息中

經中環返工嘅朋友介紹，知道中上環之間開左間韓國餐廳，主打韓式嫩豆腐鍋，啱晒而家天氣凍凍地食，餐廳就算閒日都好受歡迎，而家一坐低就會比一set韓國前菜，包括年糕、泡菜、魚仔同炒粉絲，好開胃烤豬肉+ 海鮮嫩豆腐鍋套餐 套餐幾豐富，烤豬肉用鐵板上菜，風味十足，味道帶有甜甜咸咸嘅韓式醬香，用洋蔥一齊炒香食落層次豐富海鮮嫩豆腐鍋湯底紅彤彤，辣味濃郁，暖身又開胃，湯中嫩豆腐滑溜溜，入口即刻滑落喉嚨😆海鮮如蟹、蜆同魷魚味道鮮甜👍🏻加入生雞蛋拌入湯底，令口感更加滑嫩，配埋石鍋飯，湯汁淋飯一流，簡直係白飯小偷海鮮韭菜煎餅超愛呢款煎餅，韭菜滿滿，多到差啲食唔到粉漿，外層煎得香脆，內裡保持濕潤，蝦同魷魚嘅鮮味十分突出蘸上酸酸地嘅醬汁，令煎餅更加平衡，唔會太膩Pomegranate Fizz 石榴嘅天然酸甜味配上氣泡水，入口清新又解渴，啱晒食完辣野飲，整體味道唔會過甜韓式冰咖啡 咖啡味濃郁但唔會苦澀，帶有微甜嘅韓式風格，令人回味📌八八嫩豆腐鍋 (中環)地址：中環威靈頓街198號The Wellington地舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife