馬六

營業中

休息中

本身諗住同朋友求求其搵一間茶餐廳食飯，入到發現餐廳係主打星馬菜，而且選擇多，淨係肉骨茶都有白胡椒味同巴生兩款。餐廳環境較一般茶餐廳舒適，尤其坐係梳化位。呢排天氣咁凍，我嗰大隻朋友話要飲啲暖湯滋潤下，所以叫左巴生肉骨茶套餐，馬來西亞嘅肉骨茶藥味的確較重，亦帶有甜味。湯入面有兩三條一字排，豬肉亦唔嚡唔硬，油條頗脆，浸落肉骨茶再食幾特別。我叫左無骨海南雞飯拼巴生肉骨茶，一次過滿足晒我兩個願望，冇骨呢一方面已經好滿足，雞件仲要非常肥美，肉質夠嫩滑。套餐提供三個醬，自己較鍾意醬油汁，更惹味。我飲埋呢碗肉骨茶已經好飽，大滿足！加多$8就有一杯桔仔檸檬茶，茶底香濃，酸甜可口。今餐大約$180，非常抵食，期待下次試白胡椒肉骨茶。