影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
餐廳：馬六地點：西環石塘咀菜式：馬拉野餐牌：茶餐13選一，有多款飯粉麵小食，配熱飲品6選一，凍飲加$3，另外仲有小食追加同加$8升級飲品。仲有地道推介下午茶餐。馬六無骨海南雞飯 $65馬六無骨海南雞飯有好多雞肉食，有脾有胸有翼。雞肉算嫩，皮滑溜，伴有四段青瓜，跟有大大碟三色醬汁。雞油飯大大碗，非常黏口。仲有一碗熱到辣口既蟲草花蔥花雞湯。豬頸肉喇沙摻摻 $48豬頸肉一共六件大大件，唔肥，似瘦叉燒。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。其他配料有半隻糖心蛋，豆角，豆卜4件，同少少爽口芽菜加香口脆脆。街頭雞肉串燒 跟餐加$22街頭雞肉串燒一客兩串。雞肉啖啖肉，好重咖哩味，燒得脆皮。伴有青瓜同車厘茄。另上參巴醬。馬來黑醬油叉燒 $36 馬來黑醬油叉燒一客六件，兩層肥膏包住豬肉，非常彈牙爽口，醬油味道剛好，夠入味。伴有青瓜幾粒同車厘茄半粒。班蘭咖吔多士 $28班蘭咖吔多士一客四件，每件1/4份。烤得脆口綠色多士入面一大片厚身牛油同班蘭咖吔醬，脆中帶鹹又甜，唔錯。連呢個餐都跟飲品。馬來手工拉茶 （跟餐）馬來手工拉茶滑溜香甜，叫左少甜，甜度剛好。熱桂圓紅棗茶 （跟餐）熱桂圓紅棗茶有好多紅棗肉，，仲有杞子，下底有一粒桂圓肉，加有菊花，好香花味，唔甜。桔仔話梅水 （跟餐）桔仔話梅水有一粒原粒青桔同話梅，加有好多柚子皮，味道酸酸甜甜，好開胃養生。總括而言，今餐食物質素唔錯！茶餐似正餐一樣大大碗，非常抵食！座位舒適，裝修光猛。
繼續閱讀
今日喺香港大學站搵野食行過一間食新加坡菜嘅餐廳叫馬六有下午茶供應🤟🏻餐廳內又有位就入去試吓啦✨厚切豬扒喇沙摻摻🥩🐽🍜上菜時碗麵好大碗🤟🏻配料好充足芽菜青葱豆卜流心蛋通通有齊🥒🥦🥬🍳豬扒原來係另上又大塊又真係厚切🥩🥩食落塊豬扒應該係預先煎過，好香口惹味🔥而且冇咩肥膏，食落啖啖肉麵底仲係油渣麵加米粉🍜🍜兩個麵餅撈埋食好掛湯湯底少辣仲好香椰奶味🥥🥛飲落唔鹹，食完碗麵都唔口渴👍🏻✨酸辣鳳爪隻碟雖然細但原來內收埋好多隻鳳爪🐔🦴一共有六隻鳳爪真係冇骨食落爽脆彈牙又唔霉🤟🏻而且仲好掛汁💦酸辣鳳爪有沙律菜同埋撈咗少少酸辣汁🥕🌶️🥦🥬食落好清新開胃啱哂最近開始回暖嘅天氣👍🏻✨南洋白咖啡☕️要凍，走甜🧊🧊咖啡飲落好香榛子味🌰☕️咖啡苦澀加埋榛子奶香飲落好夾👍🏻餐廳用QR code 落單📲個app 都幾user friendly餐廳內間格闊落枱枱櫈櫈都乾淨企理而且通風充足💨💨食碗熱辣辣嘅麵都冇流汗💧餐廳侍應態度親切有👍🏻上菜都有講低係咩餸菜同埋會放到客人前面餐廳內一個好細心嘅位置就係有個斜台嘅入口可能餐廳位置都多老人家幫襯所以整咗佢斜台俾輪椅進出♿️整體而言性價比甚高會繼續幫襯👍🏻👍🏻
繼續閱讀
海南雞喇沙參參（$58）娘惹燒鴨喇沙參參（$48）喇沙湯底幾濃郁，豆腐卜吸咗啲味之後好 juicy。米粉稔身 同埋油面都倒數爽口。我同我個friend雞鴨交換食，肉嘅份量夠，下午茶價錢，冇咩可以彈。糖心蛋做到好似日本拉麵咁，幾好每款套餐可以追加多一個小食，娘惹炸鮮奶（$16） 值得order，新鮮炸起。 $26 酸辣鳳爪。細個鍾意食白雲鳳爪，呢度可以試一試，但呢個就會有少少辣，幾過癮。+$8 飲左杯美祿哥斯拉。上面有早餐美祿波波，要趁未稔之前食，有種勾起童年回憶食早餐嘅感覺。我個friend 叫左桔仔話梅水。呢個餐廳嘅少冰，就真係少冰，可以清涼飲到又唔會太凍仲有個就叫左養生紅棗水斑斕咖央多士 $28
繼續閱讀
馬六西環石塘咀皇后大道西513號尼斯花園地下B號舖經開西環，老友推介新加坡菜，環境舒適，食材新鮮，入去 Chill吓先。😁豬頸肉喇沙摻掺喇沙湯底正，鮮甜香辣，配料有爽口彈牙豬頸肉、豆卜、流心蛋、豆角，摻掺吸收了湯底的精華，推薦！😍馬六無骨海南雞飯雞肉新鮮，肉汁豐富，口感嫩滑，可加辣醬、醬油和薑蓉，白飯煙韌，餐湯鹹度適中，好味道！😽街頭雞肉串燒雞肉新鮮爽口，醃製得恰到好處，加辣醬趁熱食好正！🤤馬來黑醬油叉燒邪惡半肥瘦叉燒，叉燒吸收了黑醬的精華，好入味，送飯一流！😻馬來手工奶茶又香又滑，茶膽夠濃，甜度適中。😸古仔路芒果冰又香又甜，芒果味濃，冰底夠凍，好爽！😉馬六 環境舒適，食材新鮮，喇沙小食沙冰正，侍應服務態度好，回頭率高。😎🤘🏻
繼續閱讀
公司同屋企附近都有馬六所以每次想食馬來西亞野都會去解下癮。馬六海南雞清雞湯米粉海南雞好嫩滑，份量亦好多，雞湯唔油膩而味道好濃郁，成個湯同米粉好夾。估唔到外表咁清淡的湯可以咁好味正宗巴生肉骨茶配白飯肉骨茶重藥材味係傳統馬來西亞風味的肉骨茶，而且每碗都有兩大塊肉，可想而知好足料，套餐仲有齊油炸鬼同飯仲可以揀油飯，一次過滿足所有愿望。馬拉盞通菜和雞肉串燒每個餐都可以加小食，我地揀左馬拉盞通菜和雞肉串燒，特別出色因為每條菜都好入味，同埋套餐加的份量都好大份。，餐仲有一杯野飲，抵食。斑蘭咖央多士我地仲叫左咖央多士做甜品，佢地的咖央醬好好食，如果可以多少少就更好，一份有4件，好滿足。
繼續閱讀
您可能會有興趣的...