茶記研究所

營業中

休息中

最近做嘢都幾攰，成個身體好似個老人咁，所以同老婆特登早啲起身去跑步🏃‍♂️，啱啱路過油塘區，見到有間新開嘅茶室，就諗住入去飲杯奶茶，享受下屬於我哋嘅二人世界。入到去見到店舖嘅裝修都算乾淨明亮✨，我哋即刻搵咗兩個人嘅位坐低。Waiter見到我哋之後，馬上拎咗餐牌嚟，仲介紹咗啲招牌食物畀我哋。我同老婆一人分別叫咗杯熱Latte同熱奶茶。啱啱喺門口已經聞到奶茶嘅茶香味好濃郁，飲熱嘅飲品都比較養生。☕️🍵 我嘅熱Latte味道香濃，咖啡同牛奶嘅比例剛剛好，，帶有淡淡嘅奶香。老婆嘅熱奶茶更加係一絕，茶香濃郁，口感綿滑,奶味豐富，唔會過甜，完美平衡咗茶同奶嘅味道。 我叫咗一份香煎豬扒配餐肉，只需要45蚊，食肉獸早餐成個名聽落就好啱我呢啲肉食性動物。豬扒煎到外脆內嫩，仲配埋茄汁豆🍖🍅，仲有不得不讚嘅多士🍞，入面嘅黃油香真係好回味，仲有煎蛋畀我補充蛋白質🍳。我覺得呢個價錢真係好抵，可以嘗試到唔同嘅美食！😋 我老婆叫咗一份沙嗲牛肉即食麵，都只需要42蚊，配咗腸仔🌭、炒蛋🥚同多士🍞。嗰個沙嗲牛肉好嫩滑，入口即溶，麵煮得剛剛好，唔會太硬，反而好彈牙。整個湯底都好濃郁、微甜。老婆話佢最鍾意嗰個炒蛋，因為蛋味濃郁，