Chill and Grill (裝修中)

我地去過幾次嘅堅尼地城「Chill and Grill 」，見到有夏日主題裝飾，就帶仔仔再去，原來仲放左好多道具，俾大家盡情打卡，而小朋友最鍾意既就係Candy Bar，12歲以下仲送免費送一球雪糕，仲可以自由裝飾杯雪糕，食得特別滋味，環境真係好大好舒服，食物又有質素，所以間唔中都有時間就會過嚟食飯。油浸鴨腿絲卡邦尼意粉油浸鴨腿肉質嫩滑，意粉醬汁適中又濃郁，夠曬creamy。美國頂級肉眼牛扒叫左5成熟，肉質軟腍，重牛味，點埋燒汁仲好味。牛油果鮮蝦配乳酪水耕菜牛油果入面放滿鮮蝦沙律， 再加上自家製新鮮水耕菜，好清爽。仲叫左2款美味小食，三文魚他他及傳統水牛城雞翼，飲品叫左凍拿鐵咖啡、紅酒、芬達橙汁及朱古力曲奇奶昔，非常滿足。