吉豚屋吉列豬扒專門店

營業中

休息中

星期六放假同老公帶囡囡去石門玩波波池，玩之前要食個午餐先，搵到呢間位於石門嘅吉列豬扒專門店，唔知係咪星期六嘅關係，入到去都幾多人等位，大熱天時，好彩可以喺裡面涼住冷氣等位。午餐用餐時間限時一個鐘，一坐低即刻叫咗個吉列豬扒加吉列蝦定食，吉列豬扒係唔錯，食落好香口，我就鍾意點佢個汁食，個汁酸酸地好好餸飯。吉列蝦我就覺得一般般，炸粉好多，蝦肉唔太新鮮。一般般嘅午餐定食，唔知係咪附近無咩選擇所以咁多人食，都係試過一次就算，無衝動會再想試第二次。