吉豚屋吉列豬扒專門店

晚市見唔洗等位入去試下沙田石門分店，店員落單唔抄低 等左好耐無食物到 問先話無落單 態度極差 唔想受氣千其唔好去 唔掛得個個都話返大陸消費 唔怪得人 先唔講食物質素，未食已經一肚氣，永遠black list!!!…查看更多

員工服務態度非常惡劣，落單叫咗兩個一人一鍋，嚟到個肥牛有一半都係肥膏，叫可唔可以換下？個戴眼鏡年紀大少少嘅阿姐答我，係咁㗎啦，你食呢個價錢就係呢個質素，你係外面食飯都知，仲話你唔食咪唔好食囉，跟著行咗去，我見期間限定先嚟試下，點知加一服務費就係咁嘅服務，唔怪得晚市都咁靜啦⋯⋯…查看更多

呢間嘢啱啱開始有早餐估唔到幾好食叫咗三個餐沙嗲牛公仔麵有花生味，牛肉好腍公仔麵份量都多雪菜肉絲米，米粉唔係透明米粉雪菜肉絲份量多湯底有雪菜味又唔死鹹幾好火腿通份量好多雞湯底味道幾好丹麥多士又係超多牛油，好脆好食不過奶茶就好一般，茶味太淡齋啡都唔好飲但阿華田就好好飲好濃全部餐都跟煎蛋/反蛋/炒蛋同丹麥多士味道都正常另外有個瘦削戴眼鏡嘅姨姨態度非常好 又快手值得稱讚 會再去食…查看更多

味道還可以，價錢都唔算太貴但服務極之垃圾，不論係帶位，落單，送餐都係一樣，完全唔尊重客人，仲要收加一服務？請問服務係邊？ 唔係話要服務好好，但應有的尊重都無？😓😓😓個日入到去堂食，帶位既餐廳員工講野太細聲，完全唔知佢同緊我地講野，唔知道入得第2次就已經俾佢用極不尊重的語氣問我地係咪食野？食唔食？入到去點餐耐性都係麻麻，多問一句都表現得極不耐煩，不過心諗算啦，都係普通餐廳，要求唔可以咁高結果去到送餐時候，當餐廳員工放下食物後就立即離開，咁正常當下當然即刻睇下有無野比少左，或者係咪有醬料需要問佢地拎，發現無胡麻醬，而該職員已經離開了，咁當然揮手請他們拿一點胡麻醬來，結果又是冷言冷語👉🏻 ”頭先放低餐個時唔早講”👏🏻👏🏻👏🏻👍🏻👍🏻態度極差第1次嬲到寫食評😡以後不會再光顧依間餐廳！！！…查看更多

石門日式餐廳嘅選擇唔多，呢一間係數一數二嘅選擇。平時lunch都會過嚟食，因為佢啲嘢真係好有日式嘅風味，佢哋嘅炸豬扒都係炸得好好食嘅。今日lunch同朋友嚟食，叫咗一個吉列炸蝦豬扒泡菜鍋烏冬。佢哋嘅炸蝦好大隻，好脆好好食，豬扒就比較薄身，但係啲肉質都嫩口嘅。椰菜絲嘅份量都比得好多，平衡返吉列炸嘅油膩感。泡菜湯烏冬，我都食咗幾次，好濃郁，又有少少辣，好開胃，佢哋嘅烏冬係粗身烏冬，我自己都偏向鍾意粗身嘅，所以成個餐都好好食。…查看更多