吉豚屋吉列豬扒專門店

味道還可以，價錢都唔算太貴但服務極之垃圾，不論係帶位，落單，送餐都係一樣，完全唔尊重客人，仲要收加一服務？請問服務係邊？ 唔係話要服務好好，但應有的尊重都無？😓😓😓個日入到去堂食，帶位既餐廳員工講野太細聲，完全唔知佢同緊我地講野，唔知道入得第2次就已經俾佢用極不尊重的語氣問我地係咪食野？食唔食？入到去點餐耐性都係麻麻，多問一句都表現得極不耐煩，不過心諗算啦，都係普通餐廳，要求唔可以咁高結果去到送餐時候，當餐廳員工放下食物後就立即離開，咁正常當下當然即刻睇下有無野比少左，或者係咪有醬料需要問佢地拎，發現無胡麻醬，而該職員已經離開了，咁當然揮手請他們拿一點胡麻醬來，結果又是冷言冷語👉🏻 ”頭先放低餐個時唔早講”👏🏻👏🏻👏🏻👍🏻👍🏻態度極差第1次嬲到寫食評😡以後不會再光顧依間餐廳！！！…查看更多

石門日式餐廳嘅選擇唔多，呢一間係數一數二嘅選擇。平時lunch都會過嚟食，因為佢啲嘢真係好有日式嘅風味，佢哋嘅炸豬扒都係炸得好好食嘅。今日lunch同朋友嚟食，叫咗一個吉列炸蝦豬扒泡菜鍋烏冬。佢哋嘅炸蝦好大隻，好脆好好食，豬扒就比較薄身，但係啲肉質都嫩口嘅。椰菜絲嘅份量都比得好多，平衡返吉列炸嘅油膩感。泡菜湯烏冬，我都食咗幾次，好濃郁，又有少少辣，好開胃，佢哋嘅烏冬係粗身烏冬，我自己都偏向鍾意粗身嘅，所以成個餐都好好食。…查看更多

因為做緊優惠，所以星期一下午茶時間都要等位，佢唔係攞飛要喺出面排隊，排排下明明見到好多張枱走咗，但唔知點解唔執枱唔叫人入，可能想製造長龍效果啩。等完位後嘢食又要等一輪，問佢攞杯水都要等5分鐘，總之就人為地要人等等等。跟住就算有吉枱都要你搭枱，仲要有隻烏蠅喺度徘徊唔肯走。滑蛋吉列豬話就話招牌，但豬扒少鞋，同埋勁少蛋，飯又冇汁，平時會有d洋蔥，但呢度冇，成個餐好頹。仲有就係餐廳唔夠冷氣，成餐飯嘅體驗好差。…查看更多

呢間餐廳已經係第二次食，食物質素穩定ヽ(✿ﾟ▽ﾟ)ノ#### 1. 一人餐滑蛋雞扒便當- **價格**：$78- **評價**：呢個一人餐滑蛋雞扒便當好食！雞扒炸得金黃酥脆，肉質嫩滑，外面唔油膩，咬落去好有口感。滑蛋就係一大亮點，香滑得來又唔會過咸，而且份量足，食完之後可以話好滿足！✧*｡٩(ˊᗜˋ*)و✧*｡### 總結吉豚屋嘅便當，無論係味道定係份量，都令人好滿意，推薦雞扒同豬扒，值得一試！(๑´ڡ`๑)…查看更多

店铺没有明确显示学生免加一和饮品优惠要在点餐时间，到结帐时才得知没有优惠，非常不合理。收银员姨姨態度强勢，服务一般，没有服务好言，唔理解点解要收服务费。今次体验非常不爽。…查看更多

同兩位朋友食Lunch，我叫左一份吉列豬扒定食另外兩位朋友各叫左一份滑蛋吉列豬扒飯，但一份係「梅」一份係「竹」，份量同價錢都唔同！第一份就上左滑蛋吉列豬扒飯，員工乜都唔講就隨意放低完個餐就走左去，朋友追問後，員工再係出餐位離遠大聲講「梅」～～ 請問收緊我地服務費，你服務左啲咩？請問提供緊咩既服務態度？另外，我自己個份吉列豬扒定食，係仲未熟的😅兩個人行埋黎睇，兩位員工都係唔識講唔好意思，但就換左份炸雞比我。豬係要全熟既，我諗你地知做餐廳煮熟啲野㗎嘛？ 員工培訓都要㗎嘛？最後埋單，仲可以係找少左$20比我地😅😅真係唔掂，香港食肆低迷真係有原因！比翻正常既飲食體驗顧客真係基本要求嚟㗎炸…查看更多

第一次踏足石門，唔知呢頭有乜好食，只見眼前有間日式炸豬扒，照片同價錢都ok，叫得《吉豚屋》，應該都唔會差得去邊啦。🥢豬扒牛肉壽喜燒鍋定食 $85 ⭐️⭐️⭐️貪心嘅我兩樣都想食，唔想炸豬扒咁熱氣有少少汁浸腍，豬扒厚切夠腍似豬柳部位，咬落唔會覺得鞋口；牛肉太熟太瘦令我好失望，雖然份量多但唔好食囉！🥢吉列豬扒定食 $75 （另溫泉蛋加$10，巨峰乳酸加$11）⭐️⭐️⭐️⭐️豬扒夠脆但唔夠熱，係剛好可以入口嘅溫度，同樣厚切夠腍有少少筋位，但豬味就唔濃郁，真係一分錢一分貨，幸好有醬汁搭夠，椰菜絲唔係任食，不過碗蘿蔔麵豉湯夠大碗好飽肚。二人共消費：$181…查看更多

一直好鍾意食日式吉列豬扒，但香港無乜餐廳做到夠鬆脆，今次嚟到吉豚屋，估唔到佢嘅吉列炸物做得幾出色！.我哋叫了2個吉列豬扒 + 炸蝦定食。食物都幾快上檯，炸物熱辣辣仲炸得好鬆脆，真係即叫即炸。.定食配有甘味醬油蘿蔔漬，酸酸地又爽口，幾開胃的前菜。.炸豬扒好大件，外表好鬆脆，炸粉唔厚，豬扒都幾厚肉，做到有肉汁唔乾唔鞋；配埋酸酸甜甜的豬扒醬，好 match 好好食！.炸蝦有2大件，一樣係薄炸粉、好鬆化，蝦肉好厚好爽口，配埋沙律醬好好味😋.另外亦大讚呢個定食有好多菜！有半碟咁多！沾沙律醬食解油膩一流。.佢個野菜豚肉湯亦好好飲，唔會得個「死咸」嘅味精味道，飲得出有蔬果嘅鮮甜味。個湯有豚肉、洋蔥、紅蘿蔔、薯仔同蒟蒻一齊煮，難怪咁鮮甜！👍🏻.飲品方面，我哋叫了柑桔檸檬特飲及巨峰乳酸特飲。2杯都唔會太甜，幾好飲。…查看更多

Lunch hour 係石門都算多嘢揀，中西日韓cafe都有齊晒，話是話食得飯堂多，今日想同同事食吉豚丼飯，12:40去到已經滿座要排下隊，見前面得排緊嘅人唔多，一於排埋一份！都好快入座，同同事一人嗌咗個豬扒套餐，嘩！都唔平喎，不過出餐都幾精緻，日本人風格。味道保到一向水準，食得出係啱炸出嚟冇幾耐，好入味又够熱，我個人就唔太受啲豬扒略帶酸味，不過同事就覺得幾特別冇咁膩。唔計價錢，整體嚟講係中上水準，穩陣之選…查看更多

今日返工比較忙，又唔想出去食飯不如就叫個外賣食啦！點知嚟到都幾驚喜⭐️ᰔ牛肉壽喜燒唐揚炸雞炸豬扒丼可能因為呢間係做炸物嘅專門店，炸雞好香脆，多肉汁，外賣質素牛肉都唔會韌，個豬扒都仲係脆卜卜🥰好厚身，有肉汁，呢個價錢呢個質素真係冇得輸，份量都好多。最後都食淨左一舊雞🤣ᰔ另外仲加配咗杯嘢飲荔枝椰果茶👍🏻外賣幾好（用外賣app叫），唔使同人迫，因為呢間通常Lunch hour都要排好耐隊。👍🏻（用外賣app叫）…查看更多

甚少去石門食嘢，整完頭髮都夜了又肚餓，就係附近搵食，無意中發現這間抵食吉列豬扒店，無論定食，散叫都有很多選擇，有炸蝦，炸豬扒，炸魷魚，炸雞扒，連鰻魚都有，價錢大眾化。吉列炸蝦豬扒泡菜湯烏冬鍋 $82估唔到份量都唔少，有兩隻炸蝦同炸豬扒，我覺得炸蝦味道不錯，幾彈牙，豬扒唔太油膩乾身 ，可能厚切，但食落就唔算好鬆化，反而喜歡椰菜絲，配埋芝麻醬食更好吃，泡菜鳥冬湯有泡菜同豆腐，味道ok。叫咗凍柑桔檸檬🍋特飲，埋單$102，以這個價錢個人認為抵食喎又大大份，食物質數又唔錯😌。…查看更多

請你哋公司好好正視一下你哋員工既說話點解可以叫客人坐飽佢呢？我相信你個員工仲要唔係低職位，可以去收銀機收錢！我歡迎你搵我，同我正視一下，交代一下咩叫坐飽佢？如何解釋？…查看更多

滑蛋三重奏丼$69🍤🐔🐷丼飯有炸蝦 炸雞 同炸豬扒雖然面頭嘅滑蛋份量唔多 有好香嘅洋蔥味 食落幾香幾夠味🤪飯本身冇汁 所以我自己加咗啲和風豬扒汁嚟食🤣豬扒唔乾身 不過我覺得比較厚 食落唔算好淋個人比較鍾意炸蝦同炸雞多啲😽總結: 價錢唔算貴 性價比高 整體都幾好味…查看更多

今日lunch諗住試下呢間外賣啦，之前試過堂食唔差，就諗住試下叫個外賣試下，今次叫咗吉列雞扒拼牛肉壽喜燒便當，配埋芒果乳酸特飲，正呀，雖然外賣無堂食咁吸引，但整體來說都唔錯的，仲有唐揚炸雞呢款小食，不過外賣可選款式唔多，都係豬牛雞揀，下次可以試下滑蛋豬。…查看更多

昨日一行五人食Lunch 叫左五set 餐當中既炸蝦及炸豬扒全部都係勁厚粉 完全唔知自己食緊乜塊豬扒勁薄 係麵粉嘅三份之一厚度 （身上無間呎量度mm ）之前第一次去食質素唔錯 事隔半年再去 真心唔會再幫襯湯偏喊員工態度都唔太好 加單時會黑面衞生都差左 地下好多垃圾 …查看更多