劉森記麵家 (褔榮街)

營業中

休息中

呢間老店一直幾有名，因為蔡瀾曾經講過個到係佢嘅飯堂，嗰日經過深水埗，決定來試一試佢。知道呢度出名竹升麵，蝦子都聽聞係招牌菜，貪心嘅我於是叫咗一個牛腩雲吞蝦子撈麵。餐廳的而且確好大風俾咗好多蝦子，但我自己覺得麻麻地，有一陣so味。另外個麵質都好普通，比較乾。牛腩同埋雲吞都係中等水平，整體來講名過於實，咁嘅價錢係出面雲吞麵鋪可以食到多好多餸。成餐嘅亮點係呢個酸蘿蔔，特別係夏天食好開胃，因為佢係擺喺度任你食，算係補償左相對地比較貴嘅價錢。