潮興隆

營業中

休息中

難得老闆唔使ot，就近近地係銅鑼灣食個飯，係登龍街見到呢間食潮州菜又有粉麵食，啱晒！崩沙腩河拼紫菜，崩沙腩偏瘦，有牛味，肉質腍，有啲骨膠原。紫菜索左湯，好好味。鹹菜豬肚胡椒湯，個湯好好飲，好夠胡椒味，豬肚好乾淨，食落新鮮，另外就係個鹹菜好正，放埋湯啱啱好，又唔會太咸。普寧炸豆腐，豆腐皮超超超脆，裏面豆腐好似流心咁，外脆內軟形成強烈對比。個汁微酸帶咸，點埋豆腐解油膩。潮式煎蠔餅，好大份蠔餅，炸到金黃香脆，有好多蠔仔，外邊啲蛋皮都炸得好好食。