嚐囍煲仔小菜

營業中

休息中

今朝幫襯左一間喺堅尼地城嘅名店，除咗夜晚食煲仔飯大排長龍之外，其實佢啲點心都好出名，基本上都係要排隊等位嘅。佢都有好多款點心俾我哋揀，但係得兩個人食唔到咁多，最後喺咁多款點心之中篩選出四款，分別有叉燒包、牛柏葉、鵪鶉蛋燒賣同埋煎馬蹄糕。佢呢度嘅鵪鶉蛋燒賣粒鵪鶉蛋啊係包埋喺燒賣皮入面，味道唔錯，真係好耐冇食過，因為唔係好多地方有得食。薑蔥牛柏葉又係細細個嘅懷舊味道，不過佢呢度嘅牛柏葉份量就比較少，下面托起牛柏葉嗰啲蘿蔔就好大舊，最衰就係啲蘿蔔冇乜味兼唔好食。叉燒包都做得幾靚，啲餡都唔錯，有叉燒粒。煎馬蹄糕就好似油咗少少，件糕嘅質素幾好，馬蹄粒好香爽。