影片
更多
2025-06-28
213 瀏覽
再臨鳳城，今次去鳳城1954。喺荃灣愉景新城有分店嘅鳳城1954，係集團2018年創辦的新派順德菜品牌。呢度係走年輕路線，就算晚市都有點心供應。今晚實在叫得太多嘢食，我挑選啲有記憶點嘅精選嚟講講。打卡精選彩虹鮮蝦餃 $42 包羅萬有 $46 小鳥依人 $36三樣都係極之打卡。包羅萬有即係有三種唔同味道嘅包，但淨係見到”豬仔”樣子都知道一定要叫😆。小鳥依人其實即係鳳梨酥，有埋個籠，小鳥唔會飛走。龍袍四季豆 $48今晚個人認為嘅mvp，高份量、金黃甚至橙黃色嘅蛋黃包住四季豆，鬆脆香口，非常邪惡嘅菜式，連四季豆好似變咗配角咁，食唔停口。自選孖質 炸子雞/酸菜魚片 $268另一個好抵嘅選擇。上次已經試過佢炸子雞係有水準，原來佢嘅酸菜魚先係殺着。微辣之下，酸菜湯係好好飲，魚片大小足夠亦嫩滑。其他亦都有上乘水平嘅菜，我會推薦$88有六大件嘅欖角骨、$108足料香口非常有風味嘅鳳城小炒王、$58食到尾都仲夠凍夠酒味，而且有肉香嘅冰鎮花雕鴨舌、$38價錢平到誇張，但啲湯可以就咁飲胡椒豬肚雲吞，同埋$39有龍蝦湯味嘅龍蝦湯鮮竹卷等等。如果以上再唔夠，建議可以叫埋$39靚靚仔仔嘅蝶豆花菜苗餃、$118乾身
喺荃灣愉景新城有分店嘅鳳城1954，係集團2018年創辦的新派順德菜品牌。呢度係走年輕路線，就算晚市都有點心供應。今晚實在叫得太多嘢食，我挑選啲有記憶點嘅精選嚟講講。
打卡精選
彩虹鮮蝦餃 $42 包羅萬有 $46 小鳥依人 $36
三樣都係極之打卡。包羅萬有即係有三種唔同味道嘅包，但淨係見到”豬仔”樣子都知道一定要叫😆。小鳥依人其實即係鳳梨酥，有埋個籠，小鳥唔會飛走。
龍袍四季豆 $48
今晚個人認為嘅mvp，高份量、金黃甚至橙黃色嘅蛋黃包住四季豆，鬆脆香口，非常邪惡嘅菜式，連四季豆好似變咗配角咁，食唔停口。
自選孖質 炸子雞/酸菜魚片 $268
另一個好抵嘅選擇。上次已經試過佢炸子雞係有水準，原來佢嘅酸菜魚先係殺着。微辣之下，酸菜湯係好好飲，魚片大小足夠亦嫩滑。
其他亦都有上乘水平嘅菜，我會推薦$88有六大件嘅欖角骨、$108足料香口非常有風味嘅鳳城小炒王、$58食到尾都仲夠凍夠酒味，而且有肉香嘅冰鎮花雕鴨舌、$38價錢平到誇張，但啲湯可以就咁飲胡椒豬肚雲吞，同埋$39有龍蝦湯味嘅龍蝦湯鮮竹卷等等。
如果以上再唔夠，建議可以叫埋$39靚靚仔仔嘅蝶豆花菜苗餃、$118乾身足料嘅鳳城炒飯、$46食落有鹹香咁嘅蜜汁火方配蝴蝶包。如果再加埋紅棗糕做甜品，就一定會係完美嘅收結。
呢度環境舒適，坐得一啲都唔迫，服務亦周到，晚市點心更加係抵食得可以，真係可以好好同一班朋友聚吓。
張貼
