潮盛館

營業中

休息中

之前同朋友喺新蒲崗食過一間潮州菜館幾出色，今晚帶埋屋企人去食晚飯🥢 今晚仲見到餐牌有一個晚市孖寶套餐，一款海鮮再加一碟蔬菜，$200都唔使，真係超抵食😍豉汁蒸鱔 + 蝦乾鮮菌浸時蔬 $188白鱔切得厚度適中，非常爽口彈牙，唔會因為套餐特價而比唔新鮮嘅鱔片客人，真材實料👍🏻而且豉汁調味適中，惹味得來唔會蓋過白鱔嘅鮮甜今晚嘅時蔬用咗白菜仔，上湯鮮甜加上大大隻蝦乾同埋雜菌，味道有多層享受滷水鵝件拼鵝腸 $188食材份量十足，鵝件啖啖肉，鵝味濃，有啲骨輪吓仲更加入味🪿鵝腸爽口，好入味，唔會油膩👍🏻加上墊底嘅滷水豆腐都好好食😆