影片
更多
2023-04-04
742 瀏覽
成日經過九龍城，咁遲先知原來呢度臥虎藏龍地收埋左呢間咁超班質素既居酒屋！呢間小店好有誠意經營，又高質，實在真心值得推介！原諒我呢篇會長篇少少，實在太多賣點，太多野想分享！1️⃣自家酒莊sake👑餐廳作為居酒屋，‘’酒‘’當然係餐廳一個好重要嘅元素。呢間居酒屋既主理-築島慎一先生堅持用最新鮮食材及清酒。而呢間居酒屋提供既清酒，並非一般普通貨色！佢地有自家係日本既酒造所釀制、自家品牌既吟釀sake！每支清酒都係高質素，基本都係純米吟釀級別。餐廳入面有張中田英壽既相(應該冇人會唔知中田英壽係邊個掛🤔連我呢個唔睇開波嘅人都知道😂日本前國腳足球明星喎)，唔好以為張相係普通餐廳老闆同明星既合照黎(which好多餐廳老闆會咁做🤣)，原來係因為，浜滝既宮崎酒王：“千德純米大吟釀”，曾經獲中田英壽嚴選，成為佢推薦既清酒！實在大有來頭👍另外，清酒最講究既係新鮮度！識飲既梗係最好襯新鮮飲！店主堅持只售賣年度新酒，果然係職人味道，不惜工本心思，提供最好既俾客人！2️⃣國際唎酒師駐店👑一入到門口，右手邊會見到好多唎酒師既證書。咩係唎酒師呢？就係喺日本清酒界中的「侍酒師」，要pass左例如日本SSI(Sake Servi
咁遲先知原來呢度臥虎藏龍地收埋左呢間咁超班質素既居酒屋！
呢間小店好有誠意經營，又高質，
實在真心值得推介！
原諒我呢篇會長篇少少，
實在太多賣點，太多野想分享！
1️⃣自家酒莊sake👑
餐廳作為居酒屋，
‘’酒‘’當然係餐廳一個好重要嘅元素。
呢間居酒屋既主理-築島慎一先生堅持用最新鮮食材及清酒。
而呢間居酒屋提供既清酒，並非一般普通貨色！
佢地有自家係日本既酒造所釀制、自家品牌既吟釀sake！
每支清酒都係高質素，基本都係純米吟釀級別。
餐廳入面有張中田英壽既相(應該冇人會唔知中田英壽係邊個掛🤔連我呢個唔睇開波嘅人都知道😂日本前國腳足球明星喎)，
唔好以為張相係普通餐廳老闆同明星既合照黎(which好多餐廳老闆會咁做🤣)，
原來係因為，
浜滝既宮崎酒王：“千德純米大吟釀”，
曾經獲中田英壽嚴選，成為佢推薦既清酒！
實在大有來頭👍
另外，清酒最講究既係新鮮度！
識飲既梗係最好襯新鮮飲！
店主堅持只售賣年度新酒，
果然係職人味道，
不惜工本心思，提供最好既俾客人！
2️⃣國際唎酒師駐店👑
一入到門口，右手邊會見到好多唎酒師既證書。
咩係唎酒師呢？
就係喺日本清酒界中的「侍酒師」，
要pass左例如日本SSI(Sake Service Institute)主辦 (SSI為日本國內最高的認証) 既唎酒師培訓及考核，先可以得到證書成為唎酒師。
絕對專業！
有駐場既專業唎酒師，
可以俾到專業意見客人，挑選最適合的清酒去配食物，了解支酒既背景、如何品酌，
而唔係盲摸摸自己求其是但係menu點，
完完全全將用餐體驗昇華到另一層次！
嗰日我地遇到既唎酒師叫Rico，
佢話每支酒都經親自試過先提供客人，
建議既酒真係好match食物，
對於我地既問題都完全可以解答得很到位。
呢樣，真係一般居酒屋，甚至有時五星酒店都無既服務。
讚！
3️⃣食材真正MIJ，海產由日本魚巿場即日空運👑
呢度既刺身、海產質素真係明顯比一般日式餐廳高幾班！
(但價錢又無話貴幾倍，所以真心覺得性價比好高！)
嗰種鮮，真係難以形容！
同店員細傾之下，
原來佢地既食材全部都由日本直送，
就連條拉麵都係日本製。
而全部既海產刺身，
都係時令飛機貨，
凌晨向日本魚巿場落order,
然後清晨由日本空運黎到,即日可以享受。
難怪鮮美到咁！💖
唔使去日本，但即刻食到日本既鮮味！🤩
一般香港既日式餐廳，好多都係經香港既經銷商，
所以其實你會發現，
刺身既味道，好多間其實都差不多，
質素真係同呢度，無！得！比！
一定要黎試下！
4️⃣環境宛如置身日本👑
門口細細，
但推門而入，
就好似經左叮噹(唔好意思，我既年代係叮噹黎架😆)既隨意門咁，
晃眼去到日本。
個佈置、環境、氣氛（連電視都係播日本節目）再加埋個服務態度同質素（店員超好，好好傾，會主動熱情同客人交流），
真係有日本既感覺，賓至如歸💖。
話說回當日用餐體驗，
rico介紹左支手造“藏人之夢”純米大吟釀俾我地，
尋日先新鮮到！🤩
仲係特別限定品，限量只有100支。
充滿果香，配刺身一流。
🥢北寄貝刺身
首先上個北寄貝刺身，
同平時食既真係好唔同，
手掌咁大，勁爽口新鮮！
合埋眼，清新海洋既感覺！
🥢豐洲當日直送海魚 $588
當日既魚係‘’目仁奈‘’。
目仁奈算係魚味濃既白身魚，
肉質柔韌嫩滑，
師傅處理上，上面灑有檸檬碎。
建議配自家製嘅柚子酸汁（佢個酸汁又係好好食！直頭想飲埋！），
好fresh好好味！
比點豉油好，唔會搶咗魚嘅鮮味。
可以再沾少少wasabi，味道又另一層次。
成碟切身份量都唔少，我諗3-4人食都可以。
佢仲會做兩食！
食完刺身，
個魚骨會煲埋個湯。
🥢半生熟帆立貝
喺煲緊魚湯嘅同時，
店員幫我哋上咗半生熟帆立貝。
very good serving！
店員會細心安排食物次序上枱！
帆立貝外面燒啲啱啱好，
內又鮮嫩，
可以飲埋個汁。
🥢串燒
🍢雞軟骨串燒
雞肉同好好咬口既雞軟骨間住黎串，
調味一流，
比一般串燒出色。
🍢近江牛串燒
必試！
唔好睇少佢細細粒牛，
一咬落去，爆滿牛味！
肉質又勁嫩滑，
同平時燒到乾爭爭嘅牛肉串真係完全冇得比囉！
🥣兩食既魚湯
清澈嘅湯頭，
配左菇、好甜既洋葱，
超級鮮甜!
🍜 九州拉麵
最後呢本九州拉麵作結，
唔好以為佢係普通一碗拉麵，
都係好有特色㗎！
放左熱石係湯入面，
所以keep住滾燙，
拉麵味道都不錯。
✨如果你能夠睇到呢度，
多謝你！🤣
我呢篇好長篇，
但真心既，想介紹話畀大家知原來有一間咁有誠意嘅居酒屋。
無論清酒、食物、環境、服務，
全部都專業、細心、一絲不苟，
希望大家一齊感受到佢嘅職人精神！💖
張貼
