花漾 (已結業)

呢晚媽咪約左我陪佢去Times Square行街，行到6點半左右佢話早啲食飯，食完再行。佢就帶左我去6樓嘅花漾，我依家先知原來唔係只有食通天有餐廳！6.30 仲早 ，客人未多，有卡位坐～餐廳食星馬野，仲有2-4人套餐。《 二人餐B $338 》 +1 越式大蝦柚子沙律 - 有開邊蝦肉、沙律菜同柚子肉，酸酸甜甜幾開胃。街頭雞肉串燒（4串） - 入味而且雞肉完全唔乾鞋，仲幾滑，配上沙嗲醬好惹味。咖喱牛腩煲 配 蒜茸 - 熱辣辣好吸引！ 牛腩好嫩腍，咖喱唔辣岩我口味，配上多士好正！馬拉盞炒通菜 - 通菜鮮嫩無渣，幾好。 芒果糯米飯 - 芒果好甜，糯米飯香軟唔韌，加上微甜椰汁好食呀！包：自選2杯特飲：凍青檸紅茶美綠哥斯拉 +$8 職員有禮，上菜亦快，環境明光舒適，會再去。