上海弄堂菜肉餛飩 (歌賦街)

營業中

休息中

我好喜歡食上海菜，而香港好食嘅上海小店已經愈來愈少，而中環哩間上海弄堂係我心中數一數二好食嘅小店，愛佢哋嘅餛飩及上海麵。餐廳好有古色古香嘅中國風，牆上嘅上海啤酒海報甚有風味。小食是麻辣花生🌶️🥜花生焗得香口，花椒麻香重，辣度溫和，好惹味，係食唔停的。酸辣湯麵🍜豆腐、木耳、肉絲、荀、蛋花都精緻幼細，材料頗多，羹味道夠酸，辣度適中，麵彈牙掛湯，我喜歡。蒜香排骨擔擔麵🍜排骨炸皮好脆，加咗金蒜令味道好香口。湯底花生醬夠香，麵彈牙掛湯唔會太淋，好食。白菜餛飩上次上過薺菜口味覺得好好食，今次轉下口味叫白菜，味道相對清淡一點，但依舊係皮薄餡靚。