樂天皇朝 (東薈城名店倉)

營業中

休息中

春天就嚟轉季，又要開始買夏天衫☆ 所以我同朋友去咗東薈城嘅outlet shopping睇吓有冇啲啱買又靚嘅衫同鞋！👛👜👡👠🛍️ 夜晚見行到有啲攰就搵間中菜食吓原來呢度都有樂天皇朝🫖🍽️ 餐廳裝修幾靚，好古色古香，有啲中國畫風嘅屏風🏮🪭好似去咗上海咁！✨原味小籠包 🥟10隻小籠包大大隻，每一粒都好飽滿，入邊啲湯汁好熱辣辣，食嗰時真係要小心啲，因為一咬就會爆開！✨黃魚煨麵🐟🍜魚肉都幾滑身，不過我自己好奇怪😳，勁鍾意好多好多嘅鹹菜，撈埋清湯嘅上海麵，味道非常之好！😂✨李白醉雞呢一個菜式好有詩意，原來係花雕醉雞，可能因為李白鍾意飲酒，所以餐廳攞咗命名，勁有創意😆 花雕酒味道好濃，濃得來又唔會太搶喉，重點係雞肉好滑捋捋，呢個我比幾高分！✨桃膠桂圓湯大家一定一定一定要嗌呢一個甜品！嗌完呢個絕對冇後悔！首先一嚟到已經見到好！足！料！😍😍 成碗都非常之豐富，桃膠、桂圓、杞子、紅棗全部一目了然！本身我同朋友傾咗成日偈，個口已經有啲乾爭爭👄，飲完呢一個瞬間覺得喉嚨滋潤咗好多！😇🤩 啱晒我哋呢個年紀嘅女士享用！🥰🫖樂天皇朝東涌達東路20號東薈城名店倉3樓326 A號舖