明將迴轉壽司餐廳 (已結業)

上次同個朋友經過門口,見到４０元自助壽司,咁多人幫襯,諗住應該好好食同好抵食,點知就變左惡夢的開始。經過見到迴轉帶度Ｄ壽司好古怪,因為之前都未見過果Ｄ壽司,同埋都吾吸引,不過問過個侍應生,佢話可以ORDER,咁咪諗住ORDER囉,點知坐低左先知,D壽司種類少到無倫,無貴價壽司,但知道只係40蚊價錢,咁咪吾要求咁高囉,點知order壽司來到,嚇死我,勁核突,見到完全吾想食,紫菜林晒,多春魚壽司咬落好似漿糊咁霉晒,D飯又鬆又散,D飯響紫菜出面一粒粒黐住,見到佢地整得好求其,粗製濫造,放Ｄ野上去Ｄ飯度就係壽司,佢地Ｄ壽司根本吾可以叫壽司囉,映衰日本飲食文化！