星洲總廚 (大全街)

營業中

休息中

今日冇人揸旗決定食乜，忽然間諗起魚頭米線，就即刻動議要去星州總廚。去到坐底左响最入面的六人枱，都算坐得舒服。我就緊係點我的最愛魚頭米線啦，乜都唔洗講，靜係飲個奶白色嘅魚湯已經值回票價。魚頭炸至金黃色所以冇鯹味，外脆內嫩，足足有三大件。食魚頭首要條件係要識「選」骨，好似刨刀解牛咁將魚頭慢慢拆肉，再點埋個魚露加薑蓉食就鮮上加鮮！呢度除左魚頭外豬扒都非常出色，見好多食客都柯打就估到有幾掂，下次黎一定要試下佢個重量級豬扒。