影片
更多
2025-03-10
133 瀏覽
今日係星期日，約咗朋友去上環嘅法國餐廳 Nissa La Bella 試佢嘅 brunch menu。呢個menu只係逢星期六日同公眾假期先有，絕對值得一試！ 餐廳環境好chill，陽光透過大玻璃窗灑入嚟，配埋柔和嘅法式音樂，整個氣氛好relax，好適合慢慢享受一個悠閒嘅brunch。 一開始有餐前特飲同新鮮法國生蠔。今日嘅特飲帶少少薑味，加上蜜糖嘅甜香，好清新，飲落好爽口，配埋生蠔重海水味嘅鮮甜，真係好夾！生蠔嘅質感好爽滑，真係開個好好嘅頭。 前菜方面有三款，檸檬汁漬魚生、蒜蓉牛油焗蝸牛同埋雞肝醬配脆麵包。檸檬汁漬魚生酸酸嘅，魚肉好鮮嫩，食完即刻覺得好開胃；蒜蓉牛油焗蝸牛又香又滑，牛油嘅鹹香味好出，加埋啲蒜味，真係一試難忘；雞肝醬配脆麵包係濃郁到不得了，麵包脆卜卜，夾埋一齊食，口感層次十足。 主菜方面我哋叫咗廚師是日魚精選，今日係煎三文魚，煎到表皮好香脆，魚肉嫩滑，菠菜忌廉汁帶少少鮮甜味，仲有三文魚子增添口感，好滿足。另外仲試咗法式生牛肉他他，牛肉切得啱啱好，帶有口感之餘又唔會太粗，加埋蛋黃拌埋一齊食，味道香濃，仲有即炸嘅薯條，熱辣辣又脆卜卜，好出色。 最後甜品試咗開心果G
今日係星期日，約咗朋友去上環嘅法國餐廳 Nissa La Bella 試佢嘅 brunch menu。呢個menu只係逢星期六日同公眾假期先有，絕對值得一試！
餐廳環境好chill，陽光透過大玻璃窗灑入嚟，配埋柔和嘅法式音樂，整個氣氛好relax，好適合慢慢享受一個悠閒嘅brunch。
一開始有餐前特飲同新鮮法國生蠔。今日嘅特飲帶少少薑味，加上蜜糖嘅甜香，好清新，飲落好爽口，配埋生蠔重海水味嘅鮮甜，真係好夾！生蠔嘅質感好爽滑，真係開個好好嘅頭。
前菜方面有三款，檸檬汁漬魚生、蒜蓉牛油焗蝸牛同埋雞肝醬配脆麵包。檸檬汁漬魚生酸酸嘅，魚肉好鮮嫩，食完即刻覺得好開胃；蒜蓉牛油焗蝸牛又香又滑，牛油嘅鹹香味好出，加埋啲蒜味，真係一試難忘；雞肝醬配脆麵包係濃郁到不得了，麵包脆卜卜，夾埋一齊食，口感層次十足。
主菜方面我哋叫咗廚師是日魚精選，今日係煎三文魚，煎到表皮好香脆，魚肉嫩滑，菠菜忌廉汁帶少少鮮甜味，仲有三文魚子增添口感，好滿足。另外仲試咗法式生牛肉他他，牛肉切得啱啱好，帶有口感之餘又唔會太粗，加埋蛋黃拌埋一齊食，味道香濃，仲有即炸嘅薯條，熱辣辣又脆卜卜，好出色。
最後甜品試咗開心果Gelato、朱古力Mousse同檸檬撻，三款都好好食，開心果Gelato清香滑溜，朱古力Mousse濃郁又唔膩，檸檬撻酸酸甜甜，成個餐完美收尾
張貼
