黑木亭居酒屋 (金馬倫道)

星期六出尖沙咀行街, 響門口見到有個<<週末放鬆二人餐>>, 包刺身、卷物、兩款定食同雪糕. 幾抵食, 一於試下!刺身: 分別係三文魚二切、油甘魚二切同八爪魚二切.上枱分量唔錯, 幾有光澤. 三文魚油脂分佈均勻, 味道鮮美.油甘魚口感鮮嫩, 有魚味.八爪魚入口彈牙, 帶嚼勁. 卷物:<<鰻魚牛蒡炸蝦卷>>鰻魚有經過火炙處理, 上枱時已經聞到好香好吸引!鰻魚配上由肉鬆、炸蝦、牛蒡、青瓜嘅卷物. 鰻魚酥香但唔油膩!材料豐富, 味道好夾! <<黑松露忌廉石鍋烏冬配吉列豬扒定食>>湯底好rich, 好有黑松露同忌廉香氣.豬扒大大塊, 炸得好鬆脆.唔會太燶, 入口無油膩感! <<經典三色丼>>鍾意食魚嘅我哋當然要食多d刺身啦!!! 刺身魚包括鰻魚、三文魚同油甘魚.分量唔錯, 同樣好好食.  最大問題係每款得三切, 兩個人分唔勻!! 個雪糕又睇得又食得!!