華星冰室 (西洋菜南街)

營業中

休息中

眾所週知，華星冰室係由一眾明星夾份開設既茶餐廳。入邊嘅餸菜都名字都比較有特色，例如校長多士、重口味一丁、撻沙一丁、森美滷水雞髀等。門口多數都會有條人龍，但流量都算好快，唔駛等好耐就入得。鮮牛肉通粉，味道認真一般，湯底冇特別但通粉過腍，而牛肉又過鞋，總之可以唔洗再叫。鹹牛肉蛋餅重口味出前一丁，所謂重口味湯底，即係番茄湯。蛋餅嘅鹹牛肉味唔太出，但都算係出面比較少見既配料，如果鹹牛肉份量可以多少少，咁就好喇。豬扒包，豬扒都算厚，香茅味好重，但食落味道偏偏又好淡。唔juicy唔嫩滑，口感仲有少少鞋，都真係麻麻地。如果想慕名黎睇下明星相，都可以試下，但就唔好期望太多了。唯一可取是店員友善有禮，比一般茶記高質！