影片
更多
2025-04-01
397 瀏覽
間舖明明有好多空枱，但店員要求我坐喺已經有食客嘅枱隔離 。兩張枱距離好近，食完飯要側身好艱難先出到去（拎住大褸、環保袋同手袋）。.食到一半，另一對食客入嚟，店員竟然安排佢哋坐喺我嗰張四人枱，搞到我剩低半碗麵要拎住手袋食埋佢。但明明嗰時間舖仲有一大半係空枱，呢個安排我覺得好差 。.呢間野我食過兩次，第一次嚟嘅時候人流更少，所以冇發生今次嘅問題，但其實嗰次已經覺得店員做野有啲急 ，就係我食緊最後一啖麵筷子都未放低嘅時候，店員就過嚟收走隻碗 。（呢一點我見到其他人都有留言過）.味道方面，我第一次叫咗辣拌刀削麵，汁嘅味道唔差但偏鹹，食完要飲好多水漱口。不過啲面好爽口，所以都覺得幾好食；今次我叫咗炸醬麵（$78），啲麵好腍，得好少翠玉瓜同肉，實在唔值呢個價錢 。雖然根本冇任何service（店員態度麻麻、水自己斟、QR code落單、自己行出收銀俾錢），但都要收加一服務費，即係要俾86蚊食一碗冇咩料嘅麵 。.總括而言，呢次用餐體驗真係失望，唔會再有下次，希望店家可以認真考慮下點樣改善服務質素。
.
食到一半，另一對食客入嚟，店員竟然安排佢哋坐喺我嗰張四人枱，搞到我剩低半碗麵要拎住手袋食埋佢。但明明嗰時間舖仲有一大半係空枱，呢個安排我覺得好差 。
.
呢間野我食過兩次，第一次嚟嘅時候人流更少，所以冇發生今次嘅問題，但其實嗰次已經覺得店員做野有啲急 ，就係我食緊最後一啖麵筷子都未放低嘅時候，店員就過嚟收走隻碗 。（呢一點我見到其他人都有留言過）
.
味道方面，我第一次叫咗辣拌刀削麵，汁嘅味道唔差但偏鹹，食完要飲好多水漱口。不過啲面好爽口，所以都覺得幾好食；今次我叫咗炸醬麵（$78），啲麵好腍，得好少翠玉瓜同肉，實在唔值呢個價錢 。雖然根本冇任何service（店員態度麻麻、水自己斟、QR code落單、自己行出收銀俾錢），但都要收加一服務費，即係要俾86蚊食一碗冇咩料嘅麵 。
.
總括而言，呢次用餐體驗真係失望，唔會再有下次，希望店家可以認真考慮下點樣改善服務質素。
張貼