泰 (瓊華中心)

營業中

休息中

想食正宗泰國菜一定要嚟呢間･:*+.\(( °ω° ))/.:+泰式小食拼盤★彡呢個小食拼盤好豐富，入面有齊魚餅、蝦餅、雞翼、香春卷、沙嗲串燒。我就最鍾意食佢哋嘅串燒豬肉同雞肉都有，串燒燒得好入味，同朋友一齊share就一定要揀呢個拼盤可以試晒咁多嘢。生菜包（豬）★彡生菜包好有泰國特色，豬肉碎味道都已經好夠，包住生菜食就可以減輕油膩感。芒果蟹肉炒飯★彡呢個芒果蟹肉炒飯好足料，炒飯炒到金黃色，而且加咗啲蟹肉落去，連埋啲酸甜嘅芒果一齊食，夠晒滿足。青咖喱雞肉★彡呢間泰國菜餐廳真係有齊晒勁多款唔同嘅咖喱，紅咖喱、黃咖喱同青咖喱都有，我自己就揀咗呢款青咖喱，佢嘅辣到係我可以接受嘅範圍，而且味道好濃郁。椰汁紅豆冰★彡蜂蜜蘆薈龍眼特飲★彡呢度嘅特飲味道都唔錯，椰汁紅豆冰夠晒甜蜜，蜂蜜蘆薈龍眼特飲就好滋潤。