影片
更多
2024-04-20
74 瀏覽
南越南咖啡廳(旺角)旺角彌敦道726號1樓同朋友係彌敦道徘徊，正好食飯時間，就同佢上嚟食呢間打卡一流嘅越南餐廳❤️❤️❤️✨火龍芒芒蝦仁配脆蝦片（3件） $58熱辣辣，叫個開胃前菜食下，酸酸甜甜嘅芒果同火龍果同鮮甜彈牙蝦仁撈埋一齊，再配上脆脆蝦片，我一啲儀態都無，成塊放入口，當堂打開味蕾✨惹火上身鹹檸豬頸肉呢個係我每次嚟都會必點，豬頸肉燒到外脆內軟，陣陣炭烤味，上枱仲有點火效果，塊燒菠蘿我會留到最後當甜品食✨越式咖哩牛肋條配蒜茸法包（4件） $88個牛肋條煮到好林好入味，咖啡又香濃，簡直係配餸嘅最佳伴侶，呢個配埋蒜蓉包，香脆可口，點埋個咖哩汁真係一流，我仲想單點個包嚟點汁，可惜已經飽✨招牌金邊粉 $88個湯底最主要，飲得出係長時間熬製出嚟，特別香濃惹味，金邊粉吸盡湯汁，啜入口又滑又入味，牛丸爽口彈牙，牛肉又嫩，最出色係油條，吸滿哂湯精華，咬落去咇到成口湯，仲有少許脆口感✨南越滴漏咖啡 $28望住佢逐滴咁流出嚟，好治癒，散發出香濃咖啡味，聞到都零舍醒神，唔落任何調味，仲飲得出越南咖啡個種味道
旺角彌敦道726號1樓
同朋友係彌敦道徘徊，正好食飯時間，就同佢上嚟食呢間打卡一流嘅越南餐廳❤️❤️❤️
✨火龍芒芒蝦仁配脆蝦片（3件） $58
熱辣辣，叫個開胃前菜食下，酸酸甜甜嘅芒果同火龍果同鮮甜彈牙蝦仁撈埋一齊，再配上脆脆蝦片，我一啲儀態都無，成塊放入口，當堂打開味蕾
✨惹火上身鹹檸豬頸肉
呢個係我每次嚟都會必點，豬頸肉燒到外脆內軟，陣陣炭烤味，上枱仲有點火效果，塊燒菠蘿我會留到最後當甜品食
✨越式咖哩牛肋條配蒜茸法包（4件） $88
個牛肋條煮到好林好入味，咖啡又香濃，簡直係配餸嘅最佳伴侶，呢個配埋蒜蓉包，香脆可口，點埋個咖哩汁真係一流，我仲想單點個包嚟點汁，可惜已經飽
✨招牌金邊粉 $88
個湯底最主要，飲得出係長時間熬製出嚟，特別香濃惹味，金邊粉吸盡湯汁，啜入口又滑又入味，牛丸爽口彈牙，牛肉又嫩，最出色係油條，吸滿哂湯精華，咬落去咇到成口湯，仲有少許脆口感
✨南越滴漏咖啡 $28
望住佢逐滴咁流出嚟，好治癒，散發出香濃咖啡味，聞到都零舍醒神，唔落任何調味，仲飲得出越南咖啡個種味道
張貼
