影片
更多
2025-04-01
43 瀏覽
同朋友行完波鞋街見肚餓，就行入白布街搵食，見到有間居酒屋環境幾靚，吧枱位幾有feel，當晚都幾多客人於是安排左樓上座位，原來係榻榻米style😍充滿日本風味海葡萄魚生沙律 $78呢個沙律嘅海葡萄好特別，卜卜脆嘅口感，帶有淡淡嘅海水鹹鮮味，好開胃，魚生粒粒新鮮，沙律菜清爽，配埋一齊食，感覺清新茶豆 $48茶豆簡單鹽水煮，保留原味，食落有淡淡豆香，送啤酒一流，係居酒屋必點嘅經典小食花魚一夜干 $168花魚燒得啱啱好，外皮香脆，魚肉嫩滑，帶有淡淡炭烤香，魚油豐富，唔會覺得乾爭爭，蘸啲咸咸酸酸嘅醬汁更惹味挪威三文魚壽司五味 $88三文魚新鮮肥美，有五種口味：三文魚籽、花之戀、芝士炙燒、原味炙燒同淨三文魚，有唔同嘅配搭，一次過試到唔同嘅滋味，壽司飯醋味適中，三文魚控必點！迷你烏冬 $38烏冬口感煙韌，湯底清甜，熱辣辣食落好舒服，份量迷你，有昆布同菜做配料，啱晒想食少少澱粉質嘅人，又唔會太脹胃三文魚燒飯糰 @$36：飯糰燒得外脆內軟，口感豐富，面頭有啲三文魚碎同三文魚籽，鹹香惹味，份量都幾大個，食完好滿足Sapporo生啤買一送一 $48：生啤買一送一，價錢相當抵飲，可以同朋友開心Share
同朋友行完波鞋街見肚餓，就行入白布街搵食，見到有間居酒屋環境幾靚，吧枱位幾有feel，當晚都幾多客人於是安排左樓上座位，原來係榻榻米style😍充滿日本風味
海葡萄魚生沙律 $78
呢個沙律嘅海葡萄好特別，卜卜脆嘅口感，帶有淡淡嘅海水鹹鮮味，好開胃，魚生粒粒新鮮，沙律菜清爽，配埋一齊食，感覺清新
茶豆 $48
茶豆簡單鹽水煮，保留原味，食落有淡淡豆香，送啤酒一流，係居酒屋必點嘅經典小食
花魚一夜干 $168
花魚燒得啱啱好，外皮香脆，魚肉嫩滑，帶有淡淡炭烤香，魚油豐富，唔會覺得乾爭爭，蘸啲咸咸酸酸嘅醬汁更惹味
挪威三文魚壽司五味 $88
三文魚新鮮肥美，有五種口味：三文魚籽、花之戀、芝士炙燒、原味炙燒同淨三文魚，有唔同嘅配搭，一次過試到唔同嘅滋味，壽司飯醋味適中，三文魚控必點！
迷你烏冬 $38
烏冬口感煙韌，湯底清甜，熱辣辣食落好舒服，份量迷你，有昆布同菜做配料，啱晒想食少少澱粉質嘅人，又唔會太脹胃
三文魚燒飯糰 @$36：
飯糰燒得外脆內軟，口感豐富，面頭有啲三文魚碎同三文魚籽，鹹香惹味，份量都幾大個，食完好滿足
Sapporo生啤買一送一 $48：
生啤買一送一，價錢相當抵飲，可以同朋友開心Share
張貼
