月爐．端燒

營業中

休息中

🫕冬暖二人餐🥢行完波鞋街順便搵食，行左去黑布/白布街，見到一間居酒屋，冬暖二人前又幾吸引😍🥗沙律菜沙律菜半和風醋汁，醒胃，蠔形蝶好精緻。🥢前菜紫色蕎頭，顏色靚之餘，開胃好爽口。玉子燒，唔係平時食鬆軟嘅口感，細膩結實，甜味適中。🍣刺身四色刺身，包括三文魚、魷魚、吞拿魚同白魚，每款有2片，味道新鮮肥美，特別鍾意三文魚嘅油脂感。🦪生蠔即開日本生蠔，新鮮無比，口感滑溜，加埋特製調味汁更提鮮。🍢廚師精選燒鳥六品六串分別有翠玉瓜、牛油燒粟米、自家製月見免治雞肉棒、雞肉丸子、雞翼、牛小排，火候控制得剛剛好，當中粟米非常清甜，厚切翠玉瓜清爽。店家雞肉採用日本德島阿波尾雞，免治雞肉棒咬落有雞軟骨碎，沾埋蛋汁最正。🫕牛肉壽喜燒鍋冬日一品鍋壽喜燒，一鍋熱騰騰，牛肉鮮嫩，配菜新鮮，湯底味甜，食完好暖身。🍡甜品蕨餅口感Q彈。哈密瓜大福，滿滿哈密瓜嘅香甜，有驚喜。額外加左件和風燒飯團🍙+$32，充滿醬油香，有點像吃飯焦的感覺。冬暖二人前$4️⃣8️⃣8️⃣雜菜沙律先付2點盛四色刺身拼盤／池魚一條廚師精選燒鳥六品 ／馬友一夜乾辛辣鴨肉泡菜鍋 ／牛肉壽喜燒鍋甜品如果鍾意飲啤酒Suntory🍺，做緊買一送一優惠🍻。

天氣轉涼，又想食刺身又怕凍，見到呢間餐廳有冬暖二人前，最後會有個暖笠笠火鍋，岩晒我👍🏻餐廳裝修好靚，十足日本居酒屋風格，樓下係吧枱座位，睇住師傅處理燒物，好有feel🇯🇵🥗沙律🥗前菜牛蒂漬同明太子薯仔沙律，先打開味蕾👍🏻🦪日本真蠔超級好食！巨大新鮮，好似我手掌咁大隻，好鮮味，濃郁海水味😍🐟池魚一條賣相好靚，師傅刀工細膩，原條池魚用薄切同厚切上碟，點埋酸汁更加帶出鮮味😋🐟馬友一夜乾即叫即燒，好怕一夜乾會過咸，但呢個處理得剛剛好，保持到魚的鮮味又不怕咸。師傅燒得好香，魚油都幾豐富😆🐮牛肉壽喜燒鍋最後食個熱鍋暖下身，牛肉份量幾多，點埋日本刺身蛋汁，好滑好juicy 👍🏻鍋入面的蔬菜吸晒牛肉精華，好食。🎂甜品綠茶紅豆大福同蕨餅，完美作結。🥤青檸梳打🥤蜜桃乳酸梳打酸酸甜甜幾好飲🌟餐廳環境舒適，幾適合同朋友相聚。食材拎好新鮮，性價比幾高😋

上星期去過旺角行街， 遇到一間高質居酒屋🏮 Tsuki Robatayaki 月爐端燒 🏮 原來免加一服務費，性價比不錯午市期間午市丼飯、定食都有配沙律 🥗茶碗蒸 、麵豉湯及甜品🍮更可以半價加配無酒精飲品呢三文魚籽角切魚生飯🧡精心製作色彩繽紛的三文魚籽，時令刺身魚，玉子，青瓜等，鮮味十足自家比目魚西京漬定食🧡自家西京漬醬料醃漬再爐火上燒，食得出精心烹調新鮮熱辣出爐好好味Tsuki Robatayaki 月爐端燒📍旺角白布街2-24號藝興大廈地下9號舖

寧靜一角之《月爐．端燒》大假開始，每日都約朋友出街食食食，有朝食到晚😆。今日就嚟到旺角白布街嘅其中一間日式居酒屋。前茶 + 湯品 + 小食：沙律、麵豉湯、日式蒸蛋傳統嘅日本定食，當然唔少得有呢幾款前菜同小食啦。日式餐具嘅擺設吸引，沙律酸酸甜甜、日式蒸蛋香滑，令到客人可以感受到不同口感嘅前菜😋。三文魚籽角切魚生飯(三文魚籽、時令刺身魚、玉子、青瓜)：魚生飯份量十足，三文魚籽新鮮，而幾款唔同嘅刺身都有切粒，款式有三文魚、吞拿魚等，加上亦有玉子同青瓜，口感多元化同性價比極高👍🏻。脆炸吉列芝士豬扒定食：濃濃嘅芝士香、吉列豬扒啖啖肉，相當不錯😊。總結：餐廳位於旺角人流比較少嘅白布街，屬於比較寧靜嘅一角，而居酒屋亦設有二樓，位置更加寬敞，適合一家大細、朋友聚會同拍拖打卡😊，推介大家去呢一間居酒屋試下，真係唔錯架👍🏻。

今次我地黎左旺角呢邊食一間日式居酒屋，佢地晚市用openrice book位星期一至六都有88折，星期日佢地係休息，所以最緊要book位，同埋唔好計劃星期日黎‼️餐廳地下全部都係bar枱位，佢地係有兩層既，我冇上去睇，但見人多既客上去，應該上面就係大枱，我地坐bar枱可以睇到師傅整野食，而餐廳係用QR code落單😄溫泉蛋海膽卡邦尼烏冬（$128）呢個烏冬好有驚喜，除左海膽之外，仲有好多三文魚籽，海膽新鮮唔腥，最正係個醬，好Creamy，烏冬質感好爽滑，平時卡邦尼意粉就食得多，整烏冬一樣咁夾👏🏻馬友一夜干（$168）呢條馬友一夜平係我地面前燒，有得睇師傅表演，條魚燒得好香，味道唔太咸，做到微微胞面，魚肉幾嫩，反身魚皮果邊都一樣咁靚🐟汁燒伊比利豬鞍（$98）呢個汁燒豬鞍燒得夠入味，佢做到燒到濃邊同仍然保持到應有既肉汁，咬落仲幾彈牙🐷挪威三文魚壽司五味（$88）五味分別有三文魚壽司，火炙三文魚，芝士火炙三文魚，花之戀，同埋三文魚籽，三文魚質素唔算頂級，我覺得算中上，三文魚籽就真係掂，入口爆汁鮮味🍣厚岸蠔（$28）生蠔鮮味十足，又夠大隻，入口鮮甜，加左柚子醋都幾夾🦪呢間居酒屋我覺得係抵食既，價

經過旺角白布街見到呢間月亮主題嘅日式居酒屋，吧枱形式可以睇住師傅整串燒同壽司。壽司、串燒同鍋物質素都唔錯，我地會再嚟食😋！🍲A5和牛壽喜鍋 $238壽喜燒甜度適中，和牛肉質脂肪豐富，入口即溶，搭配蛋汁食真係超正！鍋裏面仲有多款配菜，有豆腐、娃娃菜、金菇、冬菇同芋絲，全部都係吸湯一流嘅蔬菜😋！🍣廚師發辦壽司10貫 $23810款壽司都好新鮮，仲要好高質添！分別有海膽壽司、炙燒和牛壽司、炙燒左口魚壽司、炙燒魷魚壽司、帶子壽司、吞拿魚壽司、赤身壽司、鯛魚壽司、三文魚腩壽司同牡丹蝦壽司。✨炙燒左口魚油分重，入口濃郁甘香，質地軟綿。帶子大大粒𠝹咗花，鮮嫩有口感。海膽份量好足，口感軟滑甘香，無腥臭味。🐟串燒白鱔 $68白鱔外皮薄脆，帶有微微嘅焦香感，肉質肥美厚肉，入口滿溢魚油香氣！📍 月爐．端燒 旺角白布街2-24號藝興大廈地下9號舖

#🐒😋今次呢間 #月爐．端燒 都唔係第一次嚟食不過Lunch就係第1次 原來都幾抵食── ✦── ✦ ── ✦ ── ✦ ── ✦ ── ✦── ʚ #三文魚籽角切魚生飯 ɞ除咗三文魚籽之外 仲有油甘魚 吞那魚 玉子同青瓜做配料都好足料鋪到成碗飯都滿滿的三文魚籽更加有爆汁嘅口感ʚ #脆皮白燒鰻魚定食 ɞ個皮燒到卜卜脆 啲骨好細大人食嘅話其實可以骨都食埋不過小朋友就要小心啲啦2個餐都包埋沙律 味噌湯 蒸蛋 加埋個白飯一定夠哂飽 ── ✦── ✦ ── ✦ ── ✦ ── ✦ ── ✦──

《日式高質居酒屋🏮》———————————————-#月爐端燒 🇯🇵-呢間位於白布街嘅日式居酒屋好有feel，啱哂同同事收工嚟chill下happy hour🥳位置旺中帶靜，裝修好有心思，充滿日式風格～-🐮 牛肉壽喜燒和牛壽喜燒肉質嫩滑，口感簡直係日本級嘅質素，正👍🏻 油脂分布均勻，肉味香濃🤤雪花紋極靚，牛味非常濃郁，油花均勻，肉質鮮嫩，油脂甘香😘-🐽 汁燒伊比利豬鞍朱鞍肉質鮮嫩，份量十足，配搭醬汁咁樣食都好唔錯😍-🥚 明太子菠菜玉子燒玉子燒綿密口感，同明太子、菠菜溶為一體，熱辣辣，非常美味🤤-🍞 鵝肝多士鴨肝煎得好香，配搭烘多士，十分之正😋-🐮 鹽燒厚切牛舌芯厚切牛舌口感軟嫩彈牙，燒到帶點焦香，非常之正！-🐽 黑豚荔枝卷豚肉荔枝卷肉質肥美，加埋荔枝清甜有助解膩☺️-🍢 串燒即叫即燒，非常惹味😋 雞軟骨、雞皮好香口，仲食得出佢嘅雞皮油香🤩 -💰 參考價錢牛肉壽喜燒：$148汁燒伊比利豬鞍：$98明太子菠菜玉子燒：$78鵝肝多士：$68鹽燒厚切牛舌芯：$58黑豚荔枝卷：$42雞軟骨：$28雞皮：$26🍌抵deal 指數：7/10

餐廳是串燒出名，但其他食物都很不錯，一進店門，只見L形的Bar枱圍著中央廚房，看著廚師忙碌地預備著各樣食物，一絲不苟。QR Code 落單後，食物很快送上，串燒種類多，當然要多叫幾串試試。《油揚免治雞肉卷》$58 ~ 雞肉鮮嫩多汁《黑豚荔枝卷》$42 ~ 豚肉卷著一粒荔枝，鹹鹹甜甜的很清新《鹽燒厚切牛舌芯》$58 ~ 牛舌芯厚切，更富口感《串燒白鱔》$68 ~ 白鱔肉彈牙爽口《鵝肝多士》$68 ~ 鵝肝一點不吝嗇，又大又厚，配合矜貴的黑松露一齊食，滿口油香，令人 陶醉。《燒三文魚頭》$88 ~ 魚頭相對燒得較耐，但絕對值得等，只見外皮香脆，肉質鮮嫩，魚油甘香，令人食指大動。《牛肉壽喜燒鍋》$148壽喜燒汁甜度適中，牛肉味重，鍋內食材豐富，加上一隻日本蛋，更添美味。《巨峰提子乳酪梳打》$28

📍 月爐•端燒（旺角） 主打串燒嘅一間日本，食材全部都係新鮮每日運到，連魚都係親自釣上嚟，唔係進貨嘅冷凍魚，其他海鮮都係會議慢燒嘅形式保持原有嘅味道👅店內下層以吧枱嘅形式去招呼客人上層就係聚會嘅形式，可以圍繞坐枱老闆娘非常熱情，好有親切感，值得加分🎈✨ 味醂魚乾是必備的佐酒小吃！魚肉以味醂醃製和風乾後，鮮味更為濃郁，烤過後口感緊緻煙韌，風味越嚼越香。✨ 馬友一夜干馬友燒得皮脆，魚油香夾齒，幾鮮甜！配檸檬汁同蘿蔔蓉更清新開胃！朋友見到魚骨驚驚，2 揀魚尾部分會少骨啲，咁就可以食到啖啖肉唷~✨ 明太子菠菜玉子燒扎實口感甜蜜口味超好吃！用層層堆疊的蛋汁，擁有扎實的口感、香甜內餡仲有明太子同菠菜！口感更豐富！✨ 翠肉瓜燒完仍然爽脆，仲有跳舞草鋪滿係面😀✨ 雞軟骨（兩串）粒粒分明，外酥內脆，咬落脆トト🐔✨ 和風燒飯團✨ 三文魚燒飯糰飯糰燒得香口，搭配三文魚肉同三文魚籽🩷✨ 挪威三文魚壽司五味灸燒三文魚、芝士灸燒三文魚、三文魚籽、新鮮三文魚刺身、戀之卷，依五款壽司🍣全部都係新鮮手握壽司，而且可以進食晒所有三文魚，整體都好豐富，又好滿足😌

我今日放假，約同好友去位於旺角白布街2-24號藝興大廈地下9號舖的《月爐-端燒》食日式午餐，環境舒適雅緻，富有日本風格，設置吧檯，圍著欣賞師傅的手藝。每份午市丼飯或定食，均配🔅沙律、茶碗蒸、麵豉湯、甜品沙律係漬物，好味又開胃；茶碗蒸蛋味香濃幼滑，餡料豐富；麵豉湯濃郁好味；甜品係桂花啫喱，清甜好味。🔅自家比目魚西涼漬定食$98比目魚燒得剛好，皮邊少少焦脆，魚肉嫩滑，骨肉分離；魚肉有少少辣又幾好食。🔅脆皮燒白鰻魚定食 $108白鰻魚燒得香脆可口，點鰻魚汁更覺鮮甜好味。

旺角出名多野食，今次去左間串燒日本料理，見佢有定食又平平地，就同豬媽入左去試吓～我地叫左兩個定食，每個定食都有配沙律、麵豉湯、蒸蛋、甜品，海膽雜錦海鮮丼刺身都幾多，有蝦、墨魚、吞拿魚、帶子、海膽、三文魚籽、啲刺身都幾新鮮，壽司醋飯既酸度岩岩好，啲飯亦都唔會太硬/太林👍🏻另外叫左個燒鳥八品盛配迷你湯烏冬，有5款唔同既燒鳥+3款蔬菜，我最中意免治雞肉棒，入面有啲軟骨係入面，幾有咬口，而個粟米睇落平平無奇，但估唔到佢咁甜😋

今晚約了朋友一聚，選了屋企附近的日料小店看到他們的性價比很高，款式多決定一試～❣️刺身三點厚切三款刺身，包括大蝦、三文魚和油甘魚～每一款都好高質，食材好新鮮肥美，鮮味十足，大愛😍特別喜歡三文魚腩，入口即化的感覺，魚味濃郁細膩，甘甜可口❣️鯛魚湯湯品呈現奶白色，陣陣魚的鮮甜，超好飲～鯛魚仲含有豐富的骨膠原，蛋白質和氨基酸等營養元素，極力推薦❣️雞軟骨（兩串）表面燒至金黃色，每一粒都有香酥的口感，好好味！❣️油揚免治雞肉卷自家製手打雞肉卷外觀吸引，附上日本雞蛋顏色金黃～沾上醬汁咬一口雞肉卷，鮮嫩多汁，每一啖都充滿了肉汁的滋味，回味無窮❣️鹽燒厚切牛舌芯牛舌愛好者福音🤩三塊厚切牛舌火候控制得宜，外焦內嫩，裡面肉質粉嫩，Q彈可口～❣️黑松露牛油焗雜菌打開錫紙陣陣黑松露味，胃口大開～焗雜菌十分軟諗停不了口❣️日本燒番薯一向鍾情於日本蕃薯，外皮呈紫紅色，內裡呈金黃色，口感鬆軟，香甜軟滑，而且甜度適中！

📍 月爐．端燒 (旺角)旺角白布街2-24號藝興大廈地下9號舖👉🏼 火炙海鮮丼午巿定食套餐💰78😋😋😋😋.8/5呢個套餐真係好吸引！火炙海鮮嘅香味彌漫，魚生新鮮得來，配合一啲微微焦香嘅口感，真係好味。海鮮丼上面嘅刺魚片，每一口都令人感受到海嘅鮮味。加上日式沙律清新可口，蒸蛋滑得來，仲有濃郁嘅麵豉湯，完美嘅搭配！最後，蒟蒻口味選擇有巨峰提子同黃桃，兩者都唔錯，但我個人鍾意巨峰提子嘅清甜。👉🏼 溫泉玉子松露牛舌飯午巿定食套餐💰78😋😋😋😋.7/5呢份套餐就更加高級！牛舌燒得剛好，柔嫩多汁，真係令人回味無窮。再加上溫泉玉子，流心蛋黃淋上去，味道更加豐富，松露嘅香氣亦令整碗飯提升咗檔次。日式沙律同樣清爽，蒸蛋保持咗傳統嘅滑綿感，麵豉湯亦係必不可少，暖胃又提神。而蒟蒻方面，朋友話黃桃甘甜得來又唔會太膩，係個好嘅收尾。回頭: yes，兩個套餐都各有特色，火炙海鮮丼比較輕盈，而溫泉玉子松露牛舌飯則厚重一啲。無論你選邊個，都會係一個美味嘅午餐選擇！重點仲要有前菜有甜品，呢個價錢真係超抵食🥰🥰😋

最近去咗一間食爐端燒嘅居酒屋，小店裝潢有氣氛，菜式用心製作。 一坐低就試咗個酒粕煮大蜆，湯底呈奶白色，清甜帶淡淡米香，酒香深沉；蜆肉肥美大粒鮮味，飲完成身暖笠笠。味噌螢光魷魚都好正，魷魚爽口，味噌醬濃郁得嚟唔會太鹹，送酒一流。 串燒方面，雞皮燒到脆卜卜，冇特別調味但好香雞皮味。雞軟骨同雞腎都好爽口，調味剛好。燒汁日本黑豚五花腩同鹽燒牛小排串啖啖肉，豚肉肥瘦均勻，牛小排嫩滑有肉香。串燒白鱔皮脆肉嫩唔腥，唔錯！ 主食試咗三文魚燒飯團同迷你鰻魚飯，飯團燒到外層焦香，三文魚同魚籽增加口感同味道層次；鰻魚飯細細碗但醬汁同魚肉比例啱啱好，又唔會太飽。最後個牛肉壽喜燒鍋，牛肉吸滿湯汁，蔬菜都好豐富，好滿足。