月爐．端燒

位於旺角白布街的日料小店同朋友放工後飲杯野傾下計樓下係bar台的設計，二樓容納更多客人店家選用高質新鮮材料，款式眾多❣️鹽燒巨型海虎蝦今期推出的新產品，第一時間試下～虎蝦體型巨大粗壯，外殼帶有虎斑紋，大大隻又啖啖肉的虎蝦，一上枱我以為係龍蝦🤣食之前加上少許檸檬汁，肉質肥厚，口感Q彈扎實，蝦味濃郁鮮美，每一口都吃得到鮮味十足❣️燒南非鮑魚鮑魚切成一片片，一啖一片，鮑魚味出色，鮮甜之餘鮑味更顯濃郁，厚肉爽身，口感味道方面一流，沾上蝦膏醬錦上添花❣️黑松露牛油焗雜菌黑松露和菌菇真系絕配，用錫紙包住放入烘爐，牛油濃香加上香口黑松露醬，實在令人難以抗拒❣️鯛魚湯奶白色的濃郁魚湯🐟啖啖鮮味❣️炸土佐豆腐將豆腐沾上麵粉，裹上柴魚片後炸至金黃酥脆，再淋上特製醬汁，外酥內嫩，食到停唔到口❣️芥末八爪魚八爪魚經過加熱煮熟，爽口又彈牙，配上精心炮製的芥末醬汁，通过辛辣刺激鼻腔后迅速回甘，每啖都令你有醒神的感覺❣️燒牛舌尖餐廳使用牛舌較有嚼勁的舌尖部位，豐富厚實的口感，經燒烤後帶有炭香的味道，值得一試❣️迷你蕃茄湯烏冬迷你烏冬對於女仔份量剛好，陣陣濃香蕃茄味，店家選用日本烏冬，每一條都好掛汁👍…查看更多

應朋友約, 今晚到了這間位於旺中帶靜嘅白布街日料小店食dinner。呢間餐廳什有人氣, 晚市7點後全場坐滿, 串燒幾乎冇停過。吧檯位置更可見到串燒師傅處理串燒。小店除供應串燒, 仲有少量刺身壽司、小食等…【安格斯牛肉他他燒】HK$148安格斯牛肉只係邊位經火炙, 大部份肉質為刺身, 肉質鮮嫩冇筋, 沾蛋汁食, 口感黏滑, 還配有炸蒜片、蔥粒平衡濃郁肉味。【塩燒厚切牛舌芯】HK$58牛舌芯果然厚切, 表面燒得帶點焦黃, 依然keep到肉汁, 口感爽彈, 加咗鹽吊味, 味道同口感同樣一流, 值得推介!【雞胸脆骨】HK$26口感非常爽脆, 連帶些少雞肉, 加咗七味粉, 香口惹味。【雞軟骨 (兩串) 】HK$28沒有雞肉連帶, 口感更為爽脆, 同樣香口惹味。【紫蘇葉雞皮蝦串】HK$48外層雞皮燒得金黃微脆而不油, 入面隻蝦爽彈, 夾住紫蘇葉食, 平衡到雞皮謹有嘅膩, 再多一份紫蘇葉獨有嘅清香。【日本燒蕃薯】HK$36厚切日本蕃薯烤後暖暖的, 很香甜。【鵝肝多士】HK$68鵝肝煎得外微脆內軟, 脂香味很重, 內裡近乎入口化開, 伴有松露醬先行沾點, 味道更昇華, 配上多士同埋沙律平衡油膩, 令人回味。【挪威三文魚壽司五味】HK$88分別有三文魚、火炙三文魚、火炙芝士三文魚、三文魚軍艦同埋花之戀, 每款手握壽司握得唔會太實, 口感唔錯。【和風燒飯團】HK$32飯團表面燒得金黃焦脆, 入面軟淋不乾身, 咸咸香香幾惹味。…查看更多

今晚同朋友仔去食日本嘢，去咗旺角嘅一間居酒屋，侍應安排我哋坐榻榻米，開心😬如果想經濟啲呢度有二人餐都幾抵食，但係我哋選擇咗單點，想食多啲串燒同埋熟食！今年天氣反常，而家已經到咗秋刀魚嘅時節，所以秋刀魚刺身可以一嚐，但係我哋落完單先見到時令餐牌😥 唯有下次啦！先嚟兩杯飲品，嗌咗青蘋果梳打同荔枝燒酎，味道幾清新。跟住就開始食串燒，荔枝豚肉燒係一個唔錯嘅配搭，荔枝清新、豚肉充滿油香，食完感覺都唔會肥膩👍厚油揚其實即係豆腐，但燒得外面好香，啲汁好惹味，但又冇冚到本身嘅豆香，呢個係必食推介！另一個好食推介係紫蘇葉雞皮蝦串，好self explanatory 嘅菜名，三樣嘢加埋一齊，又係估唔到咁㗎！雞皮捲着原隻蝦，上面灑滿紫蘇葉碎。咬落脆卜卜，先有紫蘇葉嘅香味，再有雞皮嘅香脆，最後係啖啖蝦肉，好味，口感同埋味道都好豐富！大蔥雞肉串，肉質調味都啱啱好。跟住食A5和牛壽喜鍋，味道唔錯，牛肉都高質，二百幾蚊嚟講估唔到份量都幾多😏全餐飯最正係原條牛舌心他他燒，真係燒得好好食，只係燒到兩三成熟，牛味好出，唔點蛋汁都好滑！！！必食推介😋😋😋仲有仲有，燒脆皮白鰻魚都好味，呢個要趁熱食，咁先食到鰻魚嗰種香，佢有跟個鰻魚醬，但輕輕點少少就夠啦～呢度整體嚟講性價比都幾高，係一間可以encore嘅居酒屋。…查看更多

旺角白布街向來系美食集中地，今次就同朋友嚟咗呢間日式餐廳。餐廳環境靜靜地，樓上仲有榻榻米座位，坐低已經好有置身日本嘅感覺 🇯🇵我哋試咗春夏限定嘅二人前：🥗 番茄雜菜沙律 番茄鮮甜，配爽脆蔬菜，開胃之選～
🍳 前菜 玉子燒 + 牛蒡玉子燒軟滑帶甜，牛蒡口感清爽
🦪 日本厚岸生蠔 生蠔大只肥美，鮮味滿分。加上幾粒柚子啫喱點綴，清新不膩！
🍣 三文魚子吞拿魚蓉迷你杯 咸香魚子配嫩滑吞拿蓉，一啖滿足兩種層次感！
🐟 刺身四品（油甘魚、三文魚、吞拿魚等）新鮮厚切，魚脂香滑
🔥 串燒五品盛雞翼香脆多汁，雞軟骨雞肉串配月見汁香滑惹味！翠玉瓜清甜爽口，粟米香甜到停唔到口～
🍜 海膽櫻花蝦素面 海膽 creamy，櫻花蝦帶微咸海香，口感細滑清爽
🍇 甜品 巨峰提子啫喱 冰涼香甜，完美收尾～🥢 份量唔算多，但對兩個女仔嚟講啱啱好～ 食物精緻、環境舒服，系放鬆傾計同打卡嘅好地方📸💬📍月爐．端燒 旺角白布街2-24號藝興大廈地下9號鋪…查看更多

爐端燒一直深受大家歡迎，只系香港真系好少見，難怪旺角月爐 · 端燒深受大家歡迎，同朋友坐低一陣都見到有吾少熟客幫襯。✿ 春夏二人前 $488✨桃太郎番茄雜菜沙律清新開胃，蕃茄夠清甜。✨先付兩品玉子同漬物，玉子本身夠清甜，沾上蛋黃醬更滋味💛✨日本厚岸生蠔生蠔非常清甜又吾腥🦪肉質肥美，呢個真系幾高質。✨ 三文魚籽吞拿魚蓉迷你杯及刺身四品三文魚籽吞拿魚蓉迷你杯，三文魚籽鹹香十足🧡吞拿魚蓉軟綿💖刺身四品系三文魚，甲紋魷魚🦑劍魚腩，喜之次，劍魚腩魚油甘香肉質微爽，喜之次肉質嫩滑，魚脂四溢。✨串燒五品盛串燒即叫即燒，五品都算豐富，有免治雞肉棒，鹽燒牛肉，阿波尾雞翼，粟米，翠玉瓜。免治雞肉棒食到一粒粒免治雞肉，口感十足😊阿波尾雞翼好大隻，皮脆肉嫩🐔粟米十分清甜🌽翠玉瓜比想像中高質好多，做到好多汁。✨海膽櫻花蝦素麵海膽好新鮮，櫻花蝦本身又充滿日式風味。素麵偏幼，湯底系蕎麥麵湯底，好開胃。✿ 鹽燒牛小排 $58油脂分佈均勻，牛肉味香濃🐮肉汁豐富。…查看更多