影片
更多
2025-04-01
320 瀏覽
朋友成日都叫我去試，但係一直都未有機會，難得真係約到朋友過嚟食，果然就好似佢咁講啲價錢真係親民，啲嘢食又好有創意，最抵讚係啲味都做得好唔錯。‣ 鹽燒三黃雞腿肉 $28見到三黃雞就點樣都要嗌嚟食，三黃雞腿肉燒得好嫩，鹽燒嘅調味啱啱好，帶出雞肉嘅鮮甜。咬落去肉汁爆出嚟，皮仲有少少脆口。‣ 雞肉軟骨棒(付月見) $38軟骨棒燒到外脆內嫩，咬落去會食到軟骨嘅口感，真係超正。撈埋啲蛋漿一齊食，蛋香同雞肉嘅味道真係夾到不行，濃郁得嚟又唔會太膩，如果唔係聽日要返工飲唔到酒，配酒一齊食真係一流。‣ 明太子雞腿肉 $28鍾意明太子一定唔可以錯邊，明太子嘅鹹香同雞腿肉真係絕配，燒完之後明太子嘅味道滲入雞肉，真係冇得輸。‣ 三黃雞全翼 $28食完個雞腿肉都唔夠嗌返個雞翼，全翼燒得皮脆肉嫩，肉質肥嘟嘟，食落去完全唔柴。而佢嘅蜜糖用嘅份量啱啱好，唔會話甜過頭。‣ A4和牛 $58和牛燒得啱啱好，入口即化，一啲都唔韌，油脂分布得勻稱又唔會覺得油膩。‣ 海苔黑豚肉鵪鶉蛋 $28黑豚肉卷住鵪鶉蛋呢個一直係長勝將軍，我覺得燒烤嚟講鵪鶉蛋真係必食，豚肉燒得香口，鵪鶉蛋咬落啲蛋黃爆出嚟，今次仲有啲紫菜，可以一試！‣ 鹽燒豚
‣ 鹽燒三黃雞腿肉 $28
見到三黃雞就點樣都要嗌嚟食，三黃雞腿肉燒得好嫩，鹽燒嘅調味啱啱好，帶出雞肉嘅鮮甜。咬落去肉汁爆出嚟，皮仲有少少脆口。
‣ 雞肉軟骨棒(付月見) $38
軟骨棒燒到外脆內嫩，咬落去會食到軟骨嘅口感，真係超正。撈埋啲蛋漿一齊食，蛋香同雞肉嘅味道真係夾到不行，濃郁得嚟又唔會太膩，如果唔係聽日要返工飲唔到酒，配酒一齊食真係一流。
‣ 明太子雞腿肉 $28
鍾意明太子一定唔可以錯邊，明太子嘅鹹香同雞腿肉真係絕配，燒完之後明太子嘅味道滲入雞肉，真係冇得輸。
‣ 三黃雞全翼 $28
食完個雞腿肉都唔夠嗌返個雞翼，全翼燒得皮脆肉嫩，肉質肥嘟嘟，食落去完全唔柴。而佢嘅蜜糖用嘅份量啱啱好，唔會話甜過頭。
‣ A4和牛 $58
和牛燒得啱啱好，入口即化，一啲都唔韌，油脂分布得勻稱又唔會覺得油膩。
‣ 海苔黑豚肉鵪鶉蛋 $28
黑豚肉卷住鵪鶉蛋呢個一直係長勝將軍，我覺得燒烤嚟講鵪鶉蛋真係必食，豚肉燒得香口，鵪鶉蛋咬落啲蛋黃爆出嚟，今次仲有啲紫菜，可以一試！
‣ 鹽燒豚肉荔枝卷 $22
‼️超級推薦‼️無論幾多次都好，豚肉荔枝卷都係我嘅飛佛。豚肉燒得香噴噴，而荔枝嘅清甜中和咗油膩感，食落去鮮甜同埋油香一下子爆出嚟，諗起都仲想食多幾串。
‣ 豚肉日本蘋果卷 $24
燒完之後蘋果嘅酸甜同豚肉嘅鹹香好夾，咬落去仲有蘋果嘅爽脆口感，呢款串燒幾驚喜。
‣ 浜燒活北寄貝 $58
北寄貝燒得勁juicy，保留咗海鮮嘅鮮甜，咬落去嘅時候有啲爽口得嚟都幾彈牙，連啲汁都冇放過飲埋佢，相當鮮甜，值得一試。
‣ 野生蟹肉餅 $58
蟹肉餅外脆內軟，一分開兩半就見到滿滿嘅蟹肉。咬落去啲蟹肉好實在，完全唔係得個樣。
‣ 焦糖青蘋果鵝肝多士 $108
‼️超級推薦‼️忍唔住拎嚟做封面，呢款真係驚艷，鵝肝煎得又香又滑，配上青蘋果嘅酸甜同多士嘅脆口，味道層次好豐富。
‣ 焦糖鰻魚玉子燒 $28
玉子燒軟滑得嚟又充滿蛋香，搭埋焦糖鰻魚之後甜鹹交錯，發現原來鹹鹹甜甜都好match。
‣ 豚肉節瓜波板糖(附月見) $38
‼️超級推薦‼️初頭以為真係波板糖，原來係造型。豚肉同節瓜燒得香口，節瓜吸收咗肉汁變得好juicy，加咗月見蛋之後更加creamy，比想像中好食勁多，忍唔住開口讚佢。
‣ 柑桔咸蛋黃卷 $28
柑桔嘅清新同咸蛋黃嘅濃香搭得好好，果香同蛋香嘅碰撞係一個好特別嘅配搭，值得一試！
‣ 牛油蒜蓉焗金菇 $32
金菇焗得啱啱好，吸滿咗牛油同蒜蓉嘅香氣，食落滑溜又有咬口，蒜香濃郁得嚟唔會太嗆口。
‣ 孜然蒜蓉茄子 $36
茄子燒得軟腍入味，孜然嘅香料味同蒜蓉好夾，川燒我諗應該仲正，下次應該會試吓。
張貼
