寶泰船麵 (已結業)

旺角廣華街有好多美食，寶泰船麵就係其中之一。呢間新開嘅泰國餐廳，以水泥同木系風格裝修，當日未夠晚上七點已經全店滿座。招牌必食火山排骨湯麵賣相極度震撼眼球！廚師利用超級大的火山排骨，拼砌出一幅好味嘅山水畫。排骨經多時熬製，肉味細緻。戴住餐廳預備嘅手套，就可以放心用手拆肉，點埋酸辣汁，肉味層次更豐富。麵底有三款可選，包括：金邊粉、鴨蛋麵和米粉。今次揀左Q彈甄韌嘅鴨蛋麵。非常完美嘅配搭。招牌人氣船麵和牛每片薄薄和牛都充滿著濃郁嘅牛味，入口即化；牛丸、牛柏葉、炸豬皮喺足料濃湯下，更加惹味。茅椒荔枝蝦泰式香料加上乾蔥洋蔥，味香而辣味又適中；大大隻蝦球爽口彈牙，配埋時令清甜荔枝中和返個辣度，真係一試難忘。泰式酸辣鳳爪酸辣味調得剛剛好，鳳爪仲已經切開成小段，易於入口。泰式青寧紅茶泰式紅茶底的香料味道很特別，加埋青寧的酸味中帶點清新，與茶餐廳嘅檸檬茶大不同。手打薄荷青寧梳打有Mojito 外加香茅嘅獨特味道，清新又冇酒精，份外健康。