泰 (瓊華中心)

營業中

休息中

旺角行到好攰，瓊華中心附近有間壽司郎，不過要等，放是行左去瓊華中心，成棟大廈都好多嘢食，食泰菜都不錯，就中左上去最高層嘅16樓‘’Thailogy‘’。深綠色拼木系嘅泰式佈置，頗有格調，又幾好坐。大量嘅卡位，中間亦好多長方形枱位可以拼埋一齊，好適合一大班人聚會，眼見都真係好多枱都係一大班人gathering！🟢泰式生蝦刺身$128一碟10隻，都新鮮。🟢泰式小食排盤$168(魚餅、蝦餅、雞翼、春卷各2件 、 沙嗲串燒4串)🦐蝦餅足料實心，熱辣辣炸起，入面juicy唔會好乾，除左彈牙蝦膠，中間仲食到蝦肉，口感豐富！🫓魚餅充滿冬陰功味，夠曬惹味！🍡沙嗲串燒可以雞/牛/豬入面3揀2，揀咗牛同雞串燒，各有2串，串串都厚肉大串！推介牛肉串燒好好食！味香肉稔。🐤雞翼炸得香脆，唔會油淋淋。拼盤得兩隻，會有啲唔夠喉。🟢泰式鮮蝦炒金邊粉 $128總共有四隻新鮮大蝦，金邊粉唔太辣，反而算比較酸甜。