牛站(駅)麻辣火鍋放題

營業中

休息中

創興成幢都係美食，牛站中午都咁受歡迎，一定有佢原因，早前同朋友們食過一次，食完覺得仲想食，因為好抵食😌好似我咁唔食辣嘅朋友仔可以叫清甜椰子雞鍋，椰子雞有大半隻雞係湯入面，用了豐富湯底清甜。有湯底之後就可以出去自助區拎野食，冷盤有自家製的魚皮淥湯好好食，響鈴又夠脆，仲有小龍蝦、炸物等等。當然仲有蔬菜🤓菜有十幾廿種想食咩都有。打邊爐仲有象拔蚌，平時都係貴野一定要狂食。另外蝦滑好爽脆，好大粒蝦肉😋😋😋食咗好多條，有個匙羹俾你筆落去，我自己比較鍾意細細粒食嘅時候爽口彈牙。香煎午餐肉煎得香脆十分高質。另有多款甜品，Haagen-Dazs雪糕杯和雪條任食、抹茶雪糕乳酪雪糕。飲品方面都係有幾十種，仲有梅酒、清酒都係任飲，所以真係好抵食。