影片
更多
2024-02-21
136 瀏覽
都有一排冇食日本野，可能因為之前天氣凍。呢幾日天氣暖番，又想食下魚生飯。之前經過旺角，見到一間好有特色既丼飯，今日一於就去試下。佢既特色係成間舖頭，除咗用好鮮明同對比既顏色來做主色之外，仲用左漫畫老虎黎做主題。所有字體都好有漫畫風格同好有動感，菜色名都別有玩味我地黎食lunch，餐廳都坐得幾滿。我地一人叫左一個丼飯，再share一個卷物同茶金龍卷呢個係我食過最有霸氣既金龍卷，甚至可以用火龍卷來形容。因為卷物上既時候，碟既下面仲有一個大d既碟裝住，上面有好似平時果d一人邊爐用嘅酒精燃料。一上菜既時候，店員就會點着，金龍卷周圍即刻有火光熊熊金龍卷係用咗炸軟殼蟹既卷物。面頭有沙律醬、香蔥、蟹籽。內餡一開始食，有d似蛋黃，食落甜甜地，原來係南瓜黎成個卷物嘅餡料豐富，有咸有甜，有脆有軟。口感同味道都平衡，唔錯。九公丼呢個丼飯配料好豐富。有帶子、三文魚、三文魚籽、左口魚裙邊、海膽、赤蝦同埋吞拿魚蓉。佢地既配料同平時食既魚生丼又有少少唔同，唔係大塊大塊咁上，而係有少少似角切魚生飯咁樣。配料新鮮度同味道都唔錯，最緊要係睇落好豐富。魚生除左鋪滿成個丼既面，仲有成隻赤蝦棟左喺當飯中間。打卡一流，亦都岩哂想
佢既特色係成間舖頭，除咗用好鮮明同對比既顏色來做主色之外，仲用左漫畫老虎黎做主題。所有字體都好有漫畫風格同好有動感，菜色名都別有玩味
我地黎食lunch，餐廳都坐得幾滿。我地一人叫左一個丼飯，再share一個卷物同茶
金龍卷
呢個係我食過最有霸氣既金龍卷，甚至可以用火龍卷來形容。
因為卷物上既時候，碟既下面仲有一個大d既碟裝住，上面有好似平時果d一人邊爐用嘅酒精燃料。一上菜既時候，店員就會點着，金龍卷周圍即刻有火光熊熊
金龍卷係用咗炸軟殼蟹既卷物。面頭有沙律醬、香蔥、蟹籽。內餡一開始食，有d似蛋黃，食落甜甜地，原來係南瓜黎
成個卷物嘅餡料豐富，有咸有甜，有脆有軟。口感同味道都平衡，唔錯。
九公丼
呢個丼飯配料好豐富。有帶子、三文魚、三文魚籽、左口魚裙邊、海膽、赤蝦同埋吞拿魚蓉。佢地既配料同平時食既魚生丼又有少少唔同，唔係大塊大塊咁上，而係有少少似角切魚生飯咁樣。
配料新鮮度同味道都唔錯，最緊要係睇落好豐富。魚生除左鋪滿成個丼既面，仲有成隻赤蝦棟左喺當飯中間。打卡一流，亦都岩哂想食唔同魚生既人。
虎燃丼
雖然呢個丼飯冇狗公丼既配料咁豐富，但係望落亦都好吸引。因為除左有唔同配料之外，面頭仲有餐廳自製既醬汁，然後再火炙
虎燃丼原本既配料有三文魚、蝦、蟹棒同埋大量蟹籽。我地再另外加左一份炙燒左口魚裙邊。醬汁我地就揀左明太子醬，同配料都好夾，同埋火炙之後，香味更加突出。
外加既左口魚裙邊，雖然唔係入口即溶，但魚既油脂味濃郁，冬天當造係唔同d。
餐廳既Menu好豐富，除左有魚生當丼，火炙丼，仲有熟食既丼飯，另外仲有唔同既配料同小食。而且地方就腳，價格亦都親民。有時想食下魚生丼或者當飯，但又唔想食得太貴，呢度豐富既menu就提供到有平有貴，唔錯既選擇。
張貼
