影片
更多
2022-09-03
2394 瀏覽
東京東久留米市既背脂煮干拉麵店開到黎香港，香港以背脂做主打既正宗日本拉麵店極少，所以引起一眾拉麵控既注意，紛紛前往一試究竟。.香港首間丸目背脂煮干拉麵店開係旺角女人街，好方便。背脂煮干拉麵既發源地係新潟縣燕市同三条市，因為當地天氣寒冷所以以背脂，亦即係豬油同煮干，亦即係沙甸魚干做秘方熬製拉麵湯底，另外再加入日本醬油。藉厚油保持拉麵既溫度，就好似正宗過橋米線既保溫原理一樣。.到訪當天一早已經全場爆滿，門口有好多慕名到訪既食客等待中。餐廳本身提供兩款唔同口味既拉麵：原味同海老口味，再細分為湯麵同沾麵即係一共四款選擇。可惜海老口味已經售完，所以同友人一人一款試哂兩種拉麵食法。.特製背脂煮干拉麵 💲88招牌主打款，食客可以依喜好自選背脂，増量由兩倍到四倍。叫左普通版本，即叫即煮都等左一段時間。拉麵份量比一般的大，連配料滿滿一碗。拉麵基本已經包括溏心蛋、紫菜、炙燒豬腩叉燒以及慢煮的豬肩叉燒，唔需要額外加點。拉麵湯頭是濃郁既魚湯味道，可能因為有一層豚脂肪，味道會較重。兩款叉燒口感各有不同，肥瘦適中。小麥粗麵條掛湯，彈牙有嚼勁，加上甜洋蔥、木耳同青蔥解膩。.特製背脂煮干沾麵 💲98沾麵規格基本上同拉
.
香港首間丸目背脂煮干拉麵店開係旺角女人街，好方便。背脂煮干拉麵既發源地係新潟縣燕市同三条市，因為當地天氣寒冷所以以背脂，亦即係豬油同煮干，亦即係沙甸魚干做秘方熬製拉麵湯底，另外再加入日本醬油。藉厚油保持拉麵既溫度，就好似正宗過橋米線既保溫原理一樣。
.
到訪當天一早已經全場爆滿，門口有好多慕名到訪既食客等待中。餐廳本身提供兩款唔同口味既拉麵：原味同海老口味，再細分為湯麵同沾麵即係一共四款選擇。可惜海老口味已經售完，所以同友人一人一款試哂兩種拉麵食法。
.
特製背脂煮干拉麵 💲88
招牌主打款，食客可以依喜好自選背脂，増量由兩倍到四倍。叫左普通版本，即叫即煮都等左一段時間。拉麵份量比一般的大，連配料滿滿一碗。拉麵基本已經包括溏心蛋、紫菜、炙燒豬腩叉燒以及慢煮的豬肩叉燒，唔需要額外加點。拉麵湯頭是濃郁既魚湯味道，可能因為有一層豚脂肪，味道會較重。兩款叉燒口感各有不同，肥瘦適中。小麥粗麵條掛湯，彈牙有嚼勁，加上甜洋蔥、木耳同青蔥解膩。
.
特製背脂煮干沾麵 💲98
沾麵規格基本上同拉麵相同，唯一大分別係湯頭既濃郁度。沾麵湯頭較拉麵強烈得多，油脂感更重，鹹度、甜度及味道層次更高。適合一眾追求重口味的拉麵粉絲。
.
口福餃子 💲24
一客六隻既香煎日式餃子性價比不錯，肉餡足料外層也煎得乾脆。必點之作。
.
靜岡綠茶可樂 💲18
三得利烏龍茶 💲15
.
不專業食評nei.foodie
張貼
