SUN HARU (威達商業大廈)

營業中

休息中

喺旺角行街最鍾意走入通菜街搵嘢食, 呢條街好多唔同類型嘅小店， 今日我哋就揀咗呢間SUN HARU 食午餐， 呢度嘅裝修好有特色，兩邊牆都係壁畫好靚， 地方闊落乾淨舒服， 店員有禮👍午餐時間有好多唔同嘅餐可以選擇， 我哋揀咗個二人餐， 包括有炒粉絲， 炸雞， 飯卷， 前菜 ，同兩杯嘢飲。 炸雞有幾種味道可以選擇（ 蜂蜜芥末，甜辣， 牛油蜜糖， 芝士撒粉）我哋叫咗個蜂蜜芥末味， 啲炸雞都幾大碟 ， 炸粉唔會太厚， 雞件炸致酥脆外脆內軟 ，少少甜辣嘅蜂蜜芥末 好醒胃 啱曬我呢。傳統雜錦紫菜包飯： 青瓜，紅蘿蔔， 玉子， 火腿， 雜錦配好夾， 唔錯。韓式炒粉絲， 佢有牛肉同豬肉 選擇， 粉絲份量都多， 佢唔會炒到好重味精嘅感覺 ，味道 掌握得啱啱好。