SUN HARU

營業中

休息中

傍晚下課後，去到位於通菜街的Sun Haru開餐。當天天氣寒冷，不自覺的吃得特別多。一人便當套餐，當中包含韓國粉絲、雞胸肉、三件雜錦小食、前菜。韓國粉絲的口感滑順，吸收了調味料的精華，味道鮮美。粉絲的彈性十足，搭配香蔥和芝麻，增添了香氣和口感層次，令人愉悅。雞胸肉嫩滑，調味適中，讓人感受到雞肉的鮮嫩。配上些許蔥花，增加了風味，整體口感清爽，是一道健康的選擇。三件雜錦小食同是炸物，每一口都能帶來不同的驚喜。前菜是蛋卷，感覺健康清新。餐飲是少甜的熱蜂蜜生薑茶，生薑的辛辣與蜂蜜的甜美相互平衡，帶來了獨特的味覺體驗。生薑的香氣濃郁，能有效驅寒，蜂蜜則增添了柔和的甜味，讓整體味道更加圓潤。加配了肉鬆芝士雞蛋卷，肉鬆的鹹香與芝士的濃郁完美結合，搭配醬汁的微甜，讓整道菜的風味更加豐富。當切開雞蛋卷時，香氣撲鼻而來，肉鬆的香味與雞蛋的清香交織在一起，令人垂涎欲滴。還有韓國餃子，外觀金黃酥脆，形狀均勻，讓人一看就想品嚐。餃子的外皮炸得恰到好處，酥脆而不油膩，咬下去時發出清脆的聲音。內餡豐富，味道層次分明，讓人感受到食材的美味。

1個人係旺角揾食，行左陣，見午餐餐牌都幾抵食，於是揀左嘅呢間食個午餐先。QR code落單，都幾方便。蜆肉海帶湯蜆肉唔算多，一碗好似只有2至3隻，而且size比較細。海帶唔會太硬，味道還可以。韓國水冷麵拼糖心蛋天氣開始炎熱，揀水冷麵係諗住可以開胃啲嘅。糖心蛋唔算好流心，效果唔出色。水冷麵都頗大碗，仲有泡菜，紫菜，青瓜絲，材料都唔少㗎。材料帶來唔同口感，同冷麵一齊食，質感唔錯。如果冷麵質感可以更彈牙，我就更喜歡了。炸雞拌蜜糖芥末醬炸雞還保留肉汁，唔會乾爭爭，加埋芥末醬，都幾好食。午餐價錢唔貴，質素還好。

陪阿女去旺角做美容療程，之後帶咗我去通菜街SUN HARU食飯，餐廳裝潢簡潔，牆上的壁畫顏色奪目，是打咭好地方，食物係主打經典韓國菜，價錢親民。入座後送上前菜二人套餐：亞之媽炸雞半隻：有多種味道選擇，揀咗蜂蜜芥末味，炸雞即叫即炸，熱辣辣外層香脆，肉質嫩滑，每一塊都沾滿醬沾，微甘甜蜂蜜味與芥末的辛辣完美融合，每一口都能感受到綿密細緻的口感。辣豬肉炒粉絲：豬肉鮮嫩入味，粉絲彈牙，用咗韓國辣椒醬炒，味道香辣可口。傳統雜錦紫菜包飯：紫菜包飯係用珍珠米，食落充滿麻油香，餡料有青瓜、紅蘿蔔、黃蘿蔔、火腿和雞蛋，配搭非常健康，加埋個秘製醬汁會更加好味。套餐包埋指飲品：無糖可樂，雪碧海鮮泡菜辣湯麵辛辣麵：用份豐富，有魷魚、蝦、青口、泡菜、蛋和翠肉瓜等，湯底濃郁，味道香辣，辛辣麵條比較粗，口感彈牙。

旺角呢條街不嬲都多餐廳 同朋友行完街想食韓國嘢 🇰🇷見到呢間小店一於去試吓 二人套餐都係200頭 好抵食💰💰💰我哋揀咗二人套餐B, 包埋兩杯飲品韓式炸雞 🐔🐤揀咗甜辣醬 味道適中 無骨炸雞食得方便 韓式部隊鍋🍲湯底屬於濃稠系列 食得出係辛辣麵 入面仲有腸仔 午餐肉 豬肉片 韓式炒年糕醬汁比較甜 泡菜味比較濃啱晒唔食辣嘅朋友有朋友最鍾意食嘅魚糕片 年糕好煙靭 三樣嘢份量都大 我哋食唔晒🤣我哋仲加咗小食韓式餃子& 魷魚條餃子炸香脆🤪🥟🥟🥟

同friend行開女人街餓餓哋，發現呢間韓式餐廳個lunch set抵到難以置信！$50零蚊就有齊主食+小食+飲品，即刻入去試吓！ 🍲 我嗌咗「泡菜腩肉湯+紫菜粉絲卷」個泡菜湯酸辣度啱啱好，腩肉份量都幾多，煮到好淋好入味～最驚喜係跟餐嘅紫菜粉絲卷，外皮脆脆哋，咬落去粉絲餡好香口，點埋啲湯汁食超正！仲有免費嘅韓式前菜，泡菜同豆芽。 🍗 Friend嗌咗「無骨炸雞+韓國粉絲+紫菜包飯」炸雞炸得金黃香脆，肉質juicy唔乾柴～韓國粉絲炒得夠爽身，紫菜包飯就正常發揮。最抵係咁嘅配搭都係$50幾蚊！ 🍶 飲品我飲咗忌廉鮮奶～朋友就叫咗蜆肉海帶湯,另外加咗杯蜂蜜檸檬茶 💰 性價比超高兩個人食到捧住個肚都係百零蚊，仲要樣樣都咁足料！以呢個價錢食到咁嘅質素，冇得彈總評：大件夾抵食！📍 Sun Haru旺角 #旺角抵食 #韓式午餐 #學生恩物 #女人街美食 #50蚊套餐

周末同老公二人係旺角行完街，決定食個飯。韓式冷麵：韓式水冷麵冷冷涼涼的，份量都幾大，岩曬夏天食，但麵條如果可以更彈牙會更好。韓式壽司：壽司我地點咗火腿，食落調味比較家常，米飯既硬度適中，韓風十足。韓式炸雞（甜辣+蜜糖炸雞）炸雞外皮十分香炸，面頭上了層糖漿更加別具風味，個人中意甜辣多少少，因為味道多咗酸感，比蜜糖炸雞多份細膩的感覺。蜜桃乳酸沙冰：沙冰既份量都幾多，桃汁又有有少少乳酸清新既感覺。二人200左右晚餐，有旺角都算幾有性價比。

這間位於旺角女人街的韓國餐廳已經是第二次光顧，裝修係年輕嘅韓國風，牆上面有顏色鮮艷嘅壁畫。上次同朋友午餐來吃便當lunch set，幾抵食，今次同朋友晚餐再來吃，晚餐散叫，款式多，叫咗芝士海鮮煎餅、牛骨湯配白飯、芝士海鮮湯拉麵、韓式炸雞，價錢抵食每樣菜式都吾過$100。先來芝士海鮮煎餅，這個煎得香脆，有芝士拉絲沒有韭菜和蔥，啱晒自己我嘅口味。跟住係牛骨豆腐湯配白飯，豆腐嫩滑，但牛味不濃，沒有什麼特別。接着係芝士海鮮湯拉麵，海鮮豐富，有蝦、青口和魷魚，麵底係一般嘅韓國拉麵，湯底有濃厚的芝士和海鮮味好食好食😋，最後是韓式炸雞，炸雞是無骨的雞肉，選咗兩種味一款是牛油蜜糖味另一款是甜辣醬味，兩款都香脆好吃，總括然而滿足嘅一餐，可以encore的一間餐廳❤️

星期六夜晚和朋友去左旺角食飯。今次揀左一間韓國餐廳。餐廳牆身畫上好多壁畫，好有韓式風格。我哋叫左兩人餐，入面有半隻炸雞，兩款主食和飲品。炸雞有多款口味，我哋揀左蜜糖芥末醬炸雞，外皮酥脆, 肉質嫩滑, 隨碟仲有醃蘿蔔, 酸甜爽口又可解膩。海鮮煎餅，煎到金黃香脆，配料豐富，有蝦仁、魷魚、蜆仔和韭菜，蘸試醬汁味道更好。烤牛肉粉絲，口感煙韌彈牙，粉絲吸引晒醬汁， 味道濃郁惹味。最後叫左杯芒果沙冰, 入面有新鮮芒果粒, 入口軟綿, 味道香甜。

旺角呢間韓國餐廳性價比高，二人餐做緊$228，唔洗加一，唔怪得夜晚咁爆場！我地都點左二人餐，有半隻炸雞，可以自由揀一款口味，有甜辣、蜂蜜芥末、牛油蜜糖、芝士味同原味。個人最鐘意食甜辣味炸雞，又甜又辣好過癮😋炸雞份量多，仲要無骨，外皮香脆，雞肉軟腍！煎餅可以簡海鮮煎餅或者泡菜煎餅，海鮮煎餅就最豐富，魷魚、蝦、蜆、椰菜，蘸上醬汁好開胃🤤跟餐仲有韓式炒粉絲，加入椰菜、洋蔥、肥牛、紅蘿蔔一齊炒，粉絲口感彈牙😬😬飲品加18蚊升級左杯蜜桃乳酪沙冰，蜜桃味清甜，配炸雞食一流😋另一杯加$8升級左芒果乳酸梳打。我地仲另外點左一份小食，肉鬆芝士雞蛋卷，甜味嘅雞蛋卷包住咸咸地嘅肉鬆同芝士，再加上茄汁同蛋黃醬，食落有多種層次。

經過旺角搵食見到呢排行套餐都幾抵食 炸雞、主菜、蛋捲再加飲品都係二百多不過我同朋友想食有骨雞 而二人餐好似只有冇骨雞 所以我地揀左單點 有骨炸雞半隻 叫原味、牛油蜜糖炸粉唔厚 雞皮又薄又脆先試原味 雞肉有略略咁醃過 但唔會咸雞肉炸起又嫩又滑試埋牛油蜜糖 醬汁唔會好杰 會想一件件咁食落去辣炒年糕 年糕 雞蛋 係基本都材料仲有洋蔥 翠玉瓜 泡菜 多左蔬菜既甜味 韓國炒粉絲 可揀牛肉/腩肉 我揀左腩肉 好多配料 椰菜絲 、蘿蔔、洋蔥一齊食 唔會膩食落去辣辣地 好過癮夾落去份量原來好多 好抵食雜錦紫菜包飯 雞肉一食落好香麻油味 配料好豐富 配左芥末醬油 我認為配炒年糕醬更夾更惹味單點咁多野都唔洗300絕對係旺角區cp價爆登既韓國菜

旺角一帶有好多親民嘅餐廳，今日發掘到好抵食嘅Sun Haru辣泡菜炒五花腩 - 份量十足，經典韓式甜酸辣嘅調味，啖啖都食到五花腩、泡菜同洋蔥，入味之餘口感豐富，米飯粒粒分明，大滿足蜂蜜芥末炸雞 - 脆卜卜炸雞配蜂蜜芥末醬又夾又好食，啖啖嫩肉食得好滋味韓國粉絲 - 粉絲口感彈牙，加埋洋蔥、椰菜同蘿蔔炒得好香，唔油膩之餘又唔會痴埋一齊，炒得好好芒果乳酸梳打 - 大大杯清甜解渴梳打，芒果同乳酸嘅組合好夾好清新，消暑之選蜆肉海帶湯 - 海帶同蜆肉份量十足，湯底清香兩款前菜都好開胃，蘿蔔酸酸地，芽菜就有麻油香食晏時間都唔少人，不過都好快安排到入座，店員做嘢好有效率，出餐又快手，座位乾淨，完全唔逼，牆身同佈置好有韓國小店嘅感覺中午套餐好抵食，價錢親民，選擇夠多，份量十足，性價比幾高

Sun Haru今日同朋友去旺角睇戲後去Sun Haru食晚飯，這間餐廳是韓國餐廳，位於旺角通菜街1A-1L號威達商業大廈地下E及F號舖，港鐵旺角站E2出口，行幾分鐘就到，非常方便。餐廳地方寬闊，裝修舒適溫馨，枱凳擺放整齊，令人坐得舒服，員工服務態度好，來這裏食真不錯。餐牌食物款式都不少，套餐款式都非常吸引，看起來非常豐富，能夠滿足不同口味的需求，我哋就叫咗二人套餐B。二人套餐B亞之媽炸雞半隻：炸雞外皮酥脆，內裡多汁，肉質鮮嫩，帶有韓式炸雞特有的甜辣或醬香味，口感層次豐富。海鮮煎餅：煎餅外皮香脆，內裡柔軟，海鮮（魷魚、蝦、青口）的鮮味與大蔥的清爽相結合，口感豐富且不油膩。烤牛肉炒韓國粉絲：韓國粉絲Q彈有嚼勁，牛肉鮮嫩多汁，搭配蔬菜和韓式調味，整體口感鹹香適中，帶有濃郁香味。柚子蜂蜜綠茶：清爽的綠茶基底帶有柚子的清香和蜂蜜的甜味，口感清新解膩，適合搭配炸雞和煎餅。菠蘿青檸梳打：菠蘿的甜味與青檸的酸味完美結合，氣泡感十足，口感清爽，適合解膩並提升食慾。這份二人套餐B既有炸雞的香脆、煎餅的豐富口感，也有粉絲的Q彈，飲品則提供了清新的解膩效果，非常適合二人分享，口味平衡且滿足感十足。

帶外國朋友去女人街買野，無意中經過一間韓式料理店，見到挺多食客，裝修韓風型格，於是就決定試試。點咗二人套餐幾抵，份量又足。有泡菜同芽菜開胃前菜，味道清新。亞之媽炸雞半隻，牛油蜜糖口味無骨炸雞，啖啖肉，炸得熱辣辣，肉汁滿滿，口感唔油膩，蜜糖味炸雞加分唔柴唔乾。烤牛肉炒粉絲係正宗韓國粉絲，口感煙煙靭靭，有肥牛、椰菜、紅蘿蔔絲配料，我竟然食到牛肋骨嘅味，滿足。傅統雜錦紫菜包飯，足料多配料，味道唔錯，仲有蜆肉海帶湯或飲品揀，encore！

呢日同朋友一齊嚟咗呢間喺旺角嘅韓式餐廳諗住簡單快脆食個 quick lunch 🤣$78「一人便當套餐」-前菜：係泡菜同埋大豆芽菜-紫菜包飯便當：紫菜飯卷裏邊有紅蘿蔔、火腿、雞蛋、青瓜等，大大條簡單幾好食-辣豬肉：豬肉少少辣食得幾開胃-雞中翼（2隻）：雞翼炸得好香口，雞翼肉質當然係好juicy啦-跟餐 韓國檸七：夠晒甜$78「一人炸雞湯品餐」-前菜：係泡菜同埋大豆芽菜-蜂蜜芥末炸雞：炸雞全部大大件炸得幾香口，加咗蜂蜜芥末醬變得甜甜哋-韓國粉絲：粉絲夠滑，炒得幾好食-跟餐 蜆肉海帶湯：大大兜熱辣辣簡單快脆食得飽飽嘅一餐🤣

一人便當套餐- 紫菜包飯便當：新鮮米飯，搭配多種餡料，清爽可口- 烤牛肉：嫩滑多汁，香氣四溢，肉質鮮美- 雞中翼：外脆內嫩，酥炸口感，回味一人炸雞湯品餐- 蜂蜜芥末炸雞：個蜂蜜芥末醬好食，甜中帶辣- 牛肉大醬湯：醇厚可口，搭配白飯完美，適合不喜辣者飲品- 蜂蜜柚子茶：清甜 有熱或者凍揀✨ 特色小吃- 肉鬆芝士雞蛋卷：濃郁美味，搭配飲品相得益彰 好足蛋！🏷️ SUN HARU (威達商業大廈) (旺角)