丼燃食堂

營業中

休息中

旺角抵食丼飯，勁大碗一個女仔完全食唔哂，仲可以自選，想食乜都可以自己揀，咩都要哂唔洗抉擇自選丼底🐟🍚💰$156menu入邊其實都有一啲set咗嘅丼飯，不過我就想揀晒自己鍾意食嘅嘢，所以就揀咗自選，有火炙三文魚，火炙左口魚，鰻魚，蟹膏，啲飯有淡淡的醋味同埋係日本嘅米粒粒分明，啲魚火灼咗之後魚味更加出。金龍卷(焦糖三文魚卷)💰$68⭐️唔怪之得個名叫丼燃食堂，一上菜就有視覺震撼，用個火槍一噴，成個碟都着咗火，$68竟然有上菜效果，本身見到焦糖再加三文魚會覺得有少少怪，但食落之後竟然好夾😋，焦糖唔會好甜只係有淡淡嘅焦糖味有，三文魚火炙咗之後帶出魚香，上面再加蛋黃醬同蟹籽，加埋一齊食口感味道好豐富炸物💰$50價錢非常之合理，同埋都好好食，所有炸物都好有水準，唔會炸到必晒油，亦唔會有油膱味。鰻魚玉子燒💰$28玉子燒就不過不失，濕潤度就爭少少，不過加咗明太子醬，提升返咗個味道，鰻魚嘅大細適中，成舊放入口都食得出口鰻魚嘅味道超級推薦金龍卷，絕對係可以話招牌菜，而且旺角鬧市之中食到呢一個價錢嘅日本嘢都幾難得。