鮪世市場 (鴻威大廈) (已結業)

係ig見到鮪世市場係旺角開左分店，即刻就決定要去試下😍聽講佢地價錢親民用料又新鮮，試完之後又覺得真係唔錯🤤平日夜晚去到唔使等位，又難得係不限時用餐，好感度立即上升📈壽司係單點既，每件價錢由$9-45不等，另外仲有手卷同刺身，亦都有omakase壽司set $180/6件，呢個諗住下次先試。我哋專攻蝦類、吞拿魚同帶子同其他魚類，有款特選本鮪壽司盛$118(圖2)都幾推介，有赤身、中拖、大拖、蔥吞腩各一件，一試試晒唔同部位，赤身比想像中柔軟，大拖最香，不過蔥吞腩反而唔係幾食得到吞拿魚香。特大赤海蝦$12同甜蝦$18都好正😍火炙就試左鰻魚同左口魚裙邊，鰻魚超大塊又冇(咬到)骨，左口魚唔會太油膩，我都幾中意。