泰 (瓊華中心)

營業中

休息中

終於食到呢間喺旺角都幾有人氣嘅泰國菜，當日係星期五夜晚都有八成的人坐滿！我就同朋友一齊食，各叫咗一個咖喱，包括係黃咖喱雞肉和青咖喱雞肉。仲有紅咖喱的，不過我哋都唔太食得辣就冇叫到了。黃咖喱係加咗薑黃粉，所以有一點薑的味道，對比起綠咖喱就冇咁重口味，而且冇咁辣的，建議唔太食得辣的人可以試吓呢個！另外，綠咖喱係加入咗綠色的辣椒，相對就比較辣一點，大概係中辣的程度，呢個就重口味一點！雞肉不是全部都係嫩但大部分都幾好，雞肉也幾入味的！還有叫了一個蔬菜，馬拉盞炒通菜，味道唔算太濃烈，通菜都炒得幾好，幾爽口的！