茶聊

營業中

休息中

喺旺角鬧市中竟然有間旺中帶靜既樓上Cafe，坐得好舒服，好啱同朋友傾偈！而且嘢食都幾好食🥰鵝肝芝士牛肉漢堡 $158一上枱震驚了，佢係用個雀籠上，勁浮誇✨，佢嘅鵝肝好大塊煎得勁香，牛肉漢堡都幾多汁，一啖咬落去勁多層次，好食😋 旁邊仲有超級脆嘅薯條🤤美國厚切豬鞍扒 $158豬扒都真係幾厚，但神奇嘅係瘦得黎竟然唔會韌，幾好食，旁邊仲有薯塊、蔬菜同菇菌～嗰日嘅餐湯係蘑菇湯，係將蘑菇打爛晒煲出嚟，啖啖都食到蘑菇粒！開心果椰香咖啡 $38上面有層好厚嘅開心果奶蓋好濃味，加埋底下嘅咖啡一齊飲，好香！！好推薦呢杯開心果芝芝芒芒$34上面嘅芝士都係好厚🥰成杯嘢好清爽～食完想加個甜品，問一問自家製甜品係咩？先知原來佢哋嘅甜品係會搵五星級嘅甜品師傅嚟製作，所以甜品每日都可能會有唔同款式，我哋嗰日就係開心果巴斯克同埋合桃撻。