玉桃軒酒家 (康怡廣場) (已結業)

長輩住係太古 平日早茶和 有時weekend一班人午餐飲茶 都會去康怡玉桃軒 都係因為去開有感情 員工又認得佢地 還有唔使逼住去另一個商場 一系列美x集團的酒樓是日無煮晚餐 就試埋去玉桃軒食晚餐 以為酒樓都係早午市多人 點知平日晚市都唔少 好多一家大小食飯 仲好多人慶祝生日 menu 都好多選擇 掙扎了一輪 最後點了3個小菜 加一碗飯 首先有我最愛的 琵琶豆腐 餐牌寫瑤柱琵琶豆腐 本來以為豆腐入面有瑤柱 點知上枱時 未見碟 就聞到好勁的瑤柱味原來瑤柱係用芡上 都唔少瑤柱絲 撈埋飯一流 豆腐炸的時間短 裡面仲好moist 好滑 跟住長輩比 ”榆耳“吸引 叫了榆耳鼎湖上素 榆耳 好似係d比較高價的 菌類 好似雪耳咁 不過再厚d 和係不透明的橙黃色味道稍濃 配飯剛剛好最好仲有菜膽拌碟 變相多左半個餸再加了一個 日本珍珠蠔煲薑蔥煮真係好香 熱辣辣 無嗤底 蠔有用粉漿包住現走油 外面吸收薑蔥味和 調味的甜味入面的蠔 保留蠔汁和嫩滑 又無縮水 兩個人食左2隻 後發現個煲仲有好多蠔 跟住數下 竟然有8-9隻蠔 夠晒豐富  每隻蠔仲係半個碗咁大隻！兩個人 3個餸都食唔晒 最後包返屋企比第三個人食埋單3