玉桃軒酒家 (康怡廣場) (已結業)

疫情期間飲茶，其實都真係搏一搏不過家中長者強烈要求要去飲茶，都冇辦法啦！比起平時，都係少人，枱與枱之間嘅距離都算疏，枱與枱中間較近嘅，都有間板！早茶有特價，有點心孖寶。星期六早茶咁少人，都真係好少見…..希望疫情快啲過去，快啲回復正常啦。銀魚仔肉餅飯，都幾好味雞包仔鴛鴦燒賣，好欣賞佢呢個配搭！依家二人一台，等人兩樣都可以食到。讚！粟米魚肚粥不過想講講，呢度啲碗碟真係洗得唔係太乾淨，希望管理人士反映一下，謝謝。…查看更多

年終無休咁開，成日都咁好生意，海鮮平過自己煮，真係抵食，每人幾十蚊，龍蝦兩煮晏晝食，幾豪，無法啦，冇晚市，唯有早啲食，侍應話依家冇落埸，4:00 已經開始晚市，早午晚三餐可以一齊食🤣…查看更多

冬至食飯，遲咗訂位，訂唔到同商場嘅海港，唯有食呢間……點知出事……:(嗌左個四人餐，加多個片皮鴨。因為有小朋友，所以嗌多兩個壽桃包。甚少見酒樓係會先上炒飯同伊麵，上菜次序有d奇怪，不過都無乜所謂……壽桃包一落單已叫侍應可即上，但最後都係差不多食晒所有嘢先到。一搣開個包，見到入面原本應該橙黃色嘅鹹蛋黃比平常暗淡，有d似蓮蓉嘅顏色，本來都無為意，但一食落去……不得了🥶🥶🥶有咸魚味！！！🤮差d嘔……搣開另一個……未至於有咸魚味，但都明顯唔太新鮮🤢呢間嘢真係絕無下次……嚇死人🤮🤮🤮🤮…查看更多

從未試過食飯食得咁唔開心😡😡😡😡如果有10個劣，一定比足10個劣😥😥😥攪笑嘅C區，講好用晒安心出行，可以6個人一張檯，我12個人應該喺分兩張6人檯，點知6人檯喺4個人之後有間板再加2個！都無辦法！我打電話訂檯時間咗喺咪有片皮鴨餐，可唔可以訂，聽電話果果話我地有好多款片皮鴨餐，您到時嚟到再揀啦！我問有無得訂，佢話無！到攞檯點菜竟然話片皮鴨賣晒，職員話今日好好生意賣咗10幾隻，咁大間酒樓每晚賣得10幾隻片皮鴨😱😱都坐底咗，唯有叫其他餐，我點咗個4人龍蝦餐同小菜孖寶餐，點菜紙交比個姐姐，我仲同佢講兩檯一樣咁落！點知格離檯食到第3個菜我地都有菜上，我就問職員，佢話我點2個餐，諗住我喺兩邊分！我問佢唔知喺點頭先個姐姐聽嘢喺咪有問題！我比張點菜紙佢時講得好清楚，兩張檯一樣咁落！小菜同樓下金記無分別，分別就喺佢價錢貴好多，味道一般！龍蝦伊麵，龍蝦無肉，得殼，好奇怪連龍蝦腳入面都可以無肉🤔🤔到10點左右，見到有人推隻片皮鴨出嚟！咁啱終於見到個經理就問，點解仲有片皮鴨，經理話客人訂咗！我話點解我尋日打嚟訂檯話無得訂，叫我嚟到再揀😡😡大家要注意店鋪收10:30，但9點就開始趕客！埋單時無問我地要唔要泊車單！到埋完單問佢我要3張泊車單！1個回覆好！轉頭攞比您，當時佢喺攞住我張單同錢！等咗一陣再唔見攞泊車單比我，我再追，第二個就話，您地一齊埋單分唔到兩張單！我話咁您幫我分返兩張單囉！再嚟一個職員話要攞泊車單一定要比信用咭，咁我話好！您攞返D錢嚟，我比咭，佢又話佢地埋咗數！我真喺未見過一間咁嘅酒樓服務，大排檔不如，我平時去食晚飯，人地行埋嚟埋單時已經問需唔需要泊車單？如果要電子消費先至做到免費泊車，人地已經即時講！總括一包：唔洗錢都唔會再去嘅酒樓！…查看更多

呢日訓到好晏先起身, 就決定去太古城嘆返個下午茶。我地之前去過銅鑼灣間玉桃軒酒家飲茶, 感覺唔差既, 今次就試下太古城既分店。高湯海皇灌湯餃– 餡料滿滿, 用料十足, 大大隻, 配埋高湯同食, 好味道。 蟹籽蒸燒賣皇 - 燒賣大大粒, 豬肉彈牙, 夠鮮味。 玉桃晶瑩蝦餃皇– 蝦肉滿滿, 皮夠薄, 唔錯。鬆脆鮮蛋撻仔 – 可能我地太遲黎, 蛋撻明顯已凍, 唔好食。班頭腩炒麵 – 炒麵底煎到脆卜卜, 班頭腩啖啖肉, 鑊氣十足, 唔錯。玉桃軒酒家(康怡廣場) 太古康山道1-2號康怡廣場北座M樓M1號舖港鐵太古站A出口…查看更多

朋友聚會，見個片皮鴨4人餐都幾抵食，所以就叫左。有片皮鴨兩食，隻鴨都幾大，侍應喺旁邊片鴨，我地聽到啲皮好脆～ 上枱個樣都唔錯，我覺得呢個係全餐最好味嘅菜色。另外㨂左珍菌炒鴨粒，唔記得影相，個樣唔討好，味道都普通，好一般...條魚呢唔算大條，上枱時已經係微暖😕，味道正常，熱啲會更好。㨂左沙嗲牛肉炒芥蘭，牛肉一般，無肉味，太多鬆肉粉，沙嗲味濃，有啲辣，好明顯係用嚟蓋住啲牛肉嘅不足.... 小菜比較細碟，似2人份..滑蛋蝦仁，個蛋幾滑，味道唔錯，係第二好食嘅餸，但份量都係較為少。呢個套餐$498，4個人加多兩碗飯，連茶位埋單$645... 應該係用餐嘅原價加一。…查看更多

星期六中午，康怡廣場周圍都冇位，只有這間茶樓不用等入邊好多吉位。不想再周圍行唯有你去食嘢。食物種類少，味道一般，叫了個皮蛋瘦肉粥超鹹，香片茶也超淡。茶樓人手明顯不足，舉手多次也沒有人理會。最後埋單時你可唔可以比張$400嘅泊車飛，極不禮貌地說我整個早上最大嗰張單是我哋那張三百幾蚊。如此謊話也說得出，簡直當客人係傻瓜，驟眼望落也有很多四人枱。最後再三要求下竟然說，電腦印不到出來，叫我哋去其他舖頭買嘢搭單。整個香港廣場沒有一間食肆是如此態度，不會再來了！…查看更多

這天和朋友在太古吃下午茶，朋友建議到這店，說附近的食店下午茶時段都要等候入座，這店則不用，而且點心不錯，於是就到這店來，果然直接有座位。點了叉燒包、雞包仔、蒸排骨、雞扎、牛肉腸粉、叉燒腸粉、春卷、沙律明蝦角和煎堆仔9款點心合共15碟。朋友說的沒錯，這店的點心質素不錯。叉燒包和雞蛋仔包皮柔軟，內餡味道不錯。蒸排骨和雞札味道好，兩款腸粉的粉皮尚算幼滑，內餡不少。春卷皮脆，餡料充足，味道也佳。沙律明蝦角就不太好吃，因為皮太厚，餡料不多，煎堆仔也只屬一般。這店下午茶時段的優惠不算多，所以我們沒有點炒粉麵，而一行六人共點了15個點心，結帳後每人要付$70 ，我覺得有點貴，這相信也是為什麼這兒不用等候入座。…查看更多

星期日飲茶，點心大致中上水平，選擇也夠豐富。夥計招呼是不錯的，當然人手看得出不足，不過因為疫情關係，每間餐廳都是這麽少人手吧。以這個價錢來看，性價比也算是不俗的了。…查看更多

本身諗住大除夕開開心心飲個早茶個男經理態度差到 連我一向只睇唔寫食評既人都忍唔住要寫飲茶要寫點心紙 寫完就舉起 係正常架啦？！個男經理邊汁緊枱邊大聲係還處「喝」返轉頭：都話等陣囉 真係O哂咀 難道我要睇你幾時得閒先舉起？難道我係遞比你睇(明明有其他員工)?本身佢講呢句都唔係啲咩問題 而係個態度係差到好似鬧你咁 簡直想趕客走都已經忟忟地 仲要全程都要聽住佢把聲飲茶 都唔明點解佢可以keep住non stop講野....…查看更多

上星期六到這間玉桃軒飲茶，不能訂座只能排隊，人非常多等候時間過長。食物方面，油炸食物選擇非常多，非常香口。但包點的選擇比較少，蒸的點心更加少，若是正在減肥的你並不建議到這間茶樓，因為所有食物油份都非常高尤其是炒粉麵飯。衛生碗碟清潔等都一般，不要期望過高。但若是星期一至五下午茶都有七折，尚算抵食。推介食物包括沙嗲魷魚，炸雲吞，班球炒面，叉燒酥但現時已轉餐牌沒有供應，馬拉糕，迷你蛋撻。茶樓距離停車場比較遠，但有泊車優惠，建議星期一至五惠顧。…查看更多

飲早茶，叫了蝦餃兩粒，一碟蝦腸，兩款也是特點，蝦餃普通至極，街邊有些不設堂食的蒸點心外帶店舖也比它出色。蝦腸是我一生吃過最難食的特點。蝦腸的蝦用了劣質蝦，三條腸粉有八九隻，我有一半以上不是吐了就是掉了。完全是茶餐廳用來炒星洲炒米的透明蝦，好難食。 星米的蝦是用來點綴，但蝦腸的蝦是整點心的主角，至少用用來整蝦餃燒賣的蝦我會不寫此食評。簡直當食客係弱智，對顧客的一種侮辱。腸粉包皮一夾就散，員工看到有顧客卻不出來，站在門口久久沒人招待。如要說優點，只有蝦餃皮夠薄，裝修還算新，外觀還算整潔。…查看更多

今日（20/8/2020），來到這酒家，下午茶時間，酒家約有八成枱已有客，當然限聚令仍是每枱2人，侍應人數不足，門口沒有職員把手，體溫是客人自己量，無人招呼，企了一會才有侍應，因未執枱，又企多陣，先被安排在很入位置的枱。點心紙劃妥，奈何，無侍應，唯有行去較前位置搵侍應交點心紙，當時侍應忙於執枱，接過點心紙，執妥枱才去入單。共點了六個點心 ~ 金粟香煎墨魚餅、蠔皇叉燒包、黑椒金錢肚、蟹籽蒸燒賣皇、五香咸水角及蜜汁叉燒滑腸粉。點心尚算好味，金粟香煎墨魚餅餡料好足，五香咸水角皮很薄及彈口，黑椒金錢肚很入味。明白疫情期間，計算職員返工很難，所以理解。這餐茶最不滿是咸水角放錯鄰枱，該枱客正在進食中，鄰枱客表示放錯枱，送餐的侍應收回，在沒有道歉下放上枱，雖則全程都見到，但都考慮了一會是否應進食。…查看更多

一間酒樓點解咁少人食,係有原因,太古城附近有間叫玉桃軒酒樓。服務員唔知道自己嘅身份,以為轉咗做清潔阿姐企喺度淨係識得打牙骹。衛生環境十分污糟,地氈十年冇吸過,侍應给碗碗碟碟,仲有唇膏蹟,唔使估就知之前茶客一定係一位红唇女士.order咗份炸物唔知以為食緊凍盤,懶到連放微波爐反叮嘅質素都冇。叫咗碟韭黃係韭黃蒸蝦腸,啲所謂鮮蝦仲細粒嗰啲蝦米,一條韭黃都冇。好彩擘開隻眼嚟食,D腸粉皮以為食緊沙葛,正粉皮。 …查看更多

一家人到這裡吃晚餐，因一年前吃過也不錯，但今次經驗，以後一定不會再來，無論食物質素和服務都非常非常差，尤其服務態度，根本係唔想你再光顧，首先點了填鴨餐，落了單約十分鐘，有位侍應不是對着我們講話，路過拋低一句冇鴨，我們都不知道原來跟我們講，過了一會，問清楚，佢話:冇呀，講左啦!發生什麼事，不止一個是這樣，好幾個都好像唔想做咁，還有端上食物的溫度是暖的，隻雞是凍的，非常受氣的晚餐，永遠都不會光顧!…查看更多