玉桃軒酒家 (康怡廣場) (已結業)

朋友聚會，見個片皮鴨4人餐都幾抵食，所以就叫左。有片皮鴨兩食，隻鴨都幾大，侍應喺旁邊片鴨，我地聽到啲皮好脆～ 上枱個樣都唔錯，我覺得呢個係全餐最好味嘅菜色。另外㨂左珍菌炒鴨粒，唔記得影相，個樣唔討好，味道都普通，好一般...條魚呢唔算大條，上枱時已經係微暖😕，味道正常，熱啲會更好。㨂左沙嗲牛肉炒芥蘭，牛肉一般，無肉味，太多鬆肉粉，沙嗲味濃，有啲辣，好明顯係用嚟蓋住啲牛肉嘅不足.... 小菜比較細碟，似2人份..滑蛋蝦仁，個蛋幾滑，味道唔錯，係第二好食嘅餸，但份量都係較為少。呢個套餐$498，4個人加多兩碗飯，連茶位埋單$645... 應該係用餐嘅原價加一。