影片
更多
2023-02-27
173 瀏覽
海言價錢💲: $370好味程度😋: 3.8/5服務🍴: 4.6/5環境🗾: 3.7/5性價比🥢: 4/5回頭率😚: 4/5-每月1號要book的人氣之選！座無虛席，好彩早早book左，坐到bar枱，師傅會逐樣介紹材料，仲可以睇住佢地精湛的刀工😳雖然丼飯要四百幾蚊，但諗返其實就好似食左餐omakase咁，呢個價錢超值啦！位於中環一個地牢鋪位，相當唔起眼，但質素絕對超班❤️-✅✅餐前沙律。係有心機唔hea的沙律！用上多款蔬菜: 椰菜、西蘭花、南瓜、車厘茄等，清爽得來唔單調。調味用上西柚汁，清新開胃。仲有小小溏心蛋，更加係畫龍點睛🤭-✅茶碗蒸。茶碗蒸做到0泡泡，口感滑溜，簡單的味醂作調味，入面的材料都好豐富。-✅✅江戶前散壽司(特上)。呢個比起真係丼飯個款平小小，大約係小左幾款魚生，同多左啲漬物。好似我呢d覺得呢款已經好夠🥳 裡面有海膽、三文魚籽、金目鯛、池魚碎切、獅魚、沙甸魚、秋刀魚、燒腦天、燒梭子魚、赤身、中拖、象拔蚌、雞蛋同腐皮，廚師會逐一細心介紹要由邊款淡味魚食起，一定要聽清楚呀！-獅魚肥美肉質厚實，沙甸魚同秋刀魚魚味比較濃郁，鹹鮮味突出😉燒腦天口感綿密，好似鱈魚。整體層次好豐富，由淡
價錢💲: $370
好味程度😋: 3.8/5
服務🍴: 4.6/5
環境🗾: 3.7/5
性價比🥢: 4/5
回頭率😚: 4/5
-
每月1號要book的人氣之選！座無虛席，好彩早早book左，坐到bar枱，師傅會逐樣介紹材料，仲可以睇住佢地精湛的刀工😳雖然丼飯要四百幾蚊，但諗返其實就好似食左餐omakase咁，呢個價錢超值啦！位於中環一個地牢鋪位，相當唔起眼，但質素絕對超班❤️
-
✅✅餐前沙律。係有心機唔hea的沙律！用上多款蔬菜: 椰菜、西蘭花、南瓜、車厘茄等，清爽得來唔單調。調味用上西柚汁，清新開胃。仲有小小溏心蛋，更加係畫龍點睛🤭
-
✅茶碗蒸。茶碗蒸做到0泡泡，口感滑溜，簡單的味醂作調味，入面的材料都好豐富。
-
✅✅江戶前散壽司(特上)。呢個比起真係丼飯個款平小小，大約係小左幾款魚生，同多左啲漬物。好似我呢d覺得呢款已經好夠🥳 裡面有海膽、三文魚籽、金目鯛、池魚碎切、獅魚、沙甸魚、秋刀魚、燒腦天、燒梭子魚、赤身、中拖、象拔蚌、雞蛋同腐皮，廚師會逐一細心介紹要由邊款淡味魚食起，一定要聽清楚呀！
-
獅魚肥美肉質厚實，沙甸魚同秋刀魚魚味比較濃郁，鹹鮮味突出😉燒腦天口感綿密，好似鱈魚。整體層次好豐富，由淡味至濃味的魚都有。口感亦由軟至厚實都有😎 同埋有小小火炙款，食落香氣特別十足😗
-
散壽司的飯底用左薑絲、芝麻、油揚、冬菇乾、紫菜等混合。飽滿有光澤的七星米加上各種味道好滿足。仲有唔同漬物，例如牛蒡等，非常開胃😋 同埋腐皮同甜🥚都入曬味，好適合送飯！
-
另外偷食了朋友的丼飯，有香箱蟹肉真係好香☺️ 整體係好值得，因為所有魚生刺身都好新鮮鮮甜，可以食到好多種類。見佢D小食都好高評價，下次再去一定要試下！
-
#piggyfoodiein中環
張貼
