影片
更多
2025-04-18
108 瀏覽
近期見到好多社交平台都開始提及西九龍中心Food Court食肆有好多隱世平民特色小店，今日同另一半收工後專登去朝聖。首先今日介紹既小店係6樓C21-23店，佢開係意大利手工意粉店斜對面，係一間賣日韓食物嘅特色小店。呢間小店門面正常唔太花巧做作，我哋安頓好座位後睇下個餐牌， 餐牌款式唔算多，但老闆介紹比較好食嘅係關東煮同埋咖哩系列，而且所有嘢都係即叫即做。最後，我哋每人一個餐加埋啲小食。係老闆專心烹調嘅時候我哋就舒舒服服喺吧檯傾下偈。成個Food Court環境好開揚有好多唔同款式多國菜，有需要亦可以係旁邊小店購買手搖飲品，所以Food Court嘅性價比真係相當高。等咗十分鐘左右所有食品都陸續上枱啦~~~ 首先介紹個關東煮烏冬，入邊配料有大根蘿蔔、竹輪、蒟蒻同溫泉蛋，食材都好鮮甜入味。大根蘿蔔一啲渣都無好入味；竹輪有幾條，味道都係坊間嘅味道；蒟蒻大大件，口感煙煙韌韌好飽肚；溫泉蛋賣相吸引大大隻；加上手打讚岐烏冬相當掛汁，所以撈埋溫泉蛋一齊食質感煙韌口感豐富，亦有香濃蛋香味。到日式咖哩烏冬配汁燒肥牛，首先肥牛好嫩滑而且份量好多；日式咖哩汁係自己調配，唔似坊間日式咁死甜，佢有少少辛辣既
呢間小店門面正常唔太花巧做作，我哋安頓好座位後睇下個餐牌，
餐牌款式唔算多，但老闆介紹比較好食嘅係關東煮同埋咖哩系列，而且所有嘢都係即叫即做。
最後，我哋每人一個餐加埋啲小食。係老闆專心烹調嘅時候我哋就舒舒服服喺吧檯傾下偈。成個Food Court環境好開揚有好多唔同款式多國菜，有需要亦可以係旁邊小店購買手搖飲品，所以Food Court嘅性價比真係相當高。
等咗十分鐘左右所有食品都陸續上枱啦~~~ 首先介紹個關東煮烏冬，入邊配料有大根蘿蔔、竹輪、蒟蒻同溫泉蛋，食材都好鮮甜入味。
關東煮烏冬、大根蘿蔔、竹輪、蒟蒻、溫泉蛋
18 瀏覽
0 讚好
0 留言
關東煮烏冬、大根蘿蔔、竹輪、蒟蒻、溫泉蛋
51 瀏覽
0 讚好
0 留言
到日式咖哩烏冬配汁燒肥牛，首先肥牛好嫩滑而且份量好多
日式咖哩肥牛烏冬
112 瀏覽
0 讚好
0 留言
油揚豆腐
29 瀏覽
0 讚好
0 留言
另外不得不提兩款小食照燒雞扒及吉列豬扒，因為係即叫即做所以上枱時好夠熱，份量正常。汁燒雞扒燒到外皮香脆，肉質鮮嫩多汁惹味；吉列豬扒即炸非常燙口外皮酥脆，豬扒嫩滑多汁，兩個主食加埋小食質素都好滿意，埋單每人都係$60蚊左右，價錢好抵。
最後幫襯埋隔離小店兩杯手搖飲品，整餐飯平靚正，下次經過西九龍中心可以光顧下支持用心經營嘅小店。
照燒雞扒、吉列豬扒
33 瀏覽
0 讚好
0 留言
張貼
