影片
更多
2025-02-07
78 瀏覽
竹麓拉麵 (灣仔)灣仔莊士敦道74-80號The Johnston 地下A及B號舖A部分開始掛住日本嘅小編早幾日同朋友嚟到灣仔試下呢一間幾有特色嘅日本過江龍拉麵店。店舖位置非常就腳，行完利東街或者新開嘅合和商場都可以選擇嚟呢度用餐！嚟到門口未睇餐牌已經俾佢嘅裝修吸引到，由門外非常注目嘅鳥居以至店舖內運用左日式武士、燈籠、漫畫等等元素嘅裝潢都睇得出非常有心思。座位寬敞同柔和嘅燈光營造出舒適嘅用餐環境，適合小型聚餐或者獨自用餐。我哋點咗幾度招牌菜，首先係九州豚頭背脂拉麵。拉麵嘅湯頭濃厚歸功於豚頭背脂濃烈嘅肉香同油香，配搭彈牙而且掛湯嘅麵條，我同朋友都覺得好有水準！同時間另一碗拉麵係名古屋雞白湯拉麵。呢一碗嘅湯底又係另一番風味，雞白湯濃郁而且再多一份香滑嘅感覺但又唔會過分油膩同埋鹹。雞肉口感嫩滑，應該係經過慢煮烹調。小編每次去日本都一定會食雞白湯拉麵，呢一碗絕對有日本當地舖嘅水準。隨後，我哋仲叫咗一碗月見和牛背脂和牛丼。和牛鮮嫩嘅肉質同分布均勻嘅脂肪交織，配搭溏心蛋同埋醬汁，令整體口感同味道更加豐富。最後我哋仲嗌咗一碟黑豚肉餃子作為收尾。微微金黃焦香嘅餃皮同埋肉汁充盈嘅內餡，非常不錯。隨晚餐
灣仔莊士敦道74-80號The Johnston 地下A及B號舖A部分
開始掛住日本嘅小編早幾日同朋友嚟到灣仔試下呢一間幾有特色嘅日本過江龍拉麵店。店舖位置非常就腳，行完利東街或者新開嘅合和商場都可以選擇嚟呢度用餐！嚟到門口未睇餐牌已經俾佢嘅裝修吸引到，由門外非常注目嘅鳥居以至店舖內運用左日式武士、燈籠、漫畫等等元素嘅裝潢都睇得出非常有心思。座位寬敞同柔和嘅燈光營造出舒適嘅用餐環境，適合小型聚餐或者獨自用餐。
我哋點咗幾度招牌菜，首先係九州豚頭背脂拉麵。拉麵嘅湯頭濃厚歸功於豚頭背脂濃烈嘅肉香同油香，配搭彈牙而且掛湯嘅麵條，我同朋友都覺得好有水準！
同時間另一碗拉麵係名古屋雞白湯拉麵。呢一碗嘅湯底又係另一番風味，雞白湯濃郁而且再多一份香滑嘅感覺但又唔會過分油膩同埋鹹。雞肉口感嫩滑，應該係經過慢煮烹調。小編每次去日本都一定會食雞白湯拉麵，呢一碗絕對有日本當地舖嘅水準。
隨後，我哋仲叫咗一碗月見和牛背脂和牛丼。和牛鮮嫩嘅肉質同分布均勻嘅脂肪交織，配搭溏心蛋同埋醬汁，令整體口感同味道更加豐富。
最後我哋仲嗌咗一碟黑豚肉餃子作為收尾。微微金黃焦香嘅餃皮同埋肉汁充盈嘅內餡，非常不錯。
隨晚餐優惠仲有每人一杯嘢飲。總括嚟講呢一間餐廳嘅環境、食物質素、同埋性價比都幾高，非常推薦！小編都諗住會再嚟食吓其他拉麵❤️
張貼
