影片
以上資料只供參考, 請與餐廳確認詳情
我嘅旅行plan入面暫時未安排到去北海道，人未到但先嚐源自北海道嘅竹麓拉麵🍜，店家喺灣仔開咗第三間海外店，今次試咗其中兩款元祖拉麵～·和牛肉鹽醬油拉麵 HKD$128嘩個湯頭好清爽，淡淡鹽醬味道，完全唔會有油膩感，但又好香和牛嘅油脂香。和牛肉質柔軟唔韌，麵質麵身幼細帶嚼勁仲幾掛湯，推薦～·名古屋雞白湯拉麵 HKD$88湯底以系名古屋雞隻的地道雞肉製成，乳白色嘅雞湯放涼一陣會見到表面有一層油脂，係滿滿嘅骨膠原呀！雞叉燒似質軟嫩，而溏心蛋亦做得好吸睛。·茄子慢煮牛肉 HKD$78好juicy!! 咬開茄子係爆汁，仲要夾雜咗和牛嘅油香，軟腍清新的配搭。·蝦肉煮大根蘿蔔 HKD$48由蝦整成嘅醬汁好濃郁，蘿蔔索晒醬汁精華，好出色。如果蘿蔔再炆得再軟腍些會更好吃呢～·荔枝紅茶 HKD$28烏龍綠茶 HKD$26·📍竹麓拉麵灣仔莊士敦道74-80號The Johnston 地下A及B號舖A部分
繼續閱讀
餐廳位於一樓, 景觀開揚, 有卡座位, 吧枱位同多人座位, 坐得幾舒適。𓆹 和牛肉鹽醬油拉麵 $𝟷𝟸𝟾𓆹 爆裂和牛沾麵 $𝟷𝟸𝟾𓆹 和牛背脂和牛丼 $𝟻𝟾𓆹 泡菜炒五花肉 $𝟺𝟾𓆹 葡萄柚綠茶 $𝟸𝟾𓆹 百香果紅茶 $𝟹𝟶和牛肉鹽醬油拉麵湯頭濃而不膩, 和牛肉質嫩滑, 非常軟腍。爆裂和牛沾麵味道有少少辣, 裡面嘅牛肉粒結實有口感, 沾麵掛汁而且彈牙。食完拉麵就試咗細份嘅和牛背脂和牛丼, 和牛充滿油脂香氣, 口感軟綿綿, 配埋香蒜同香蔥, 非常惹味。泡菜炒五花肉味道帶少少辣, 裡面仲有椰菜, 洋蔥同芽菜, 口感豐富。葡萄柚綠茶同百香果紅茶同樣味道香甜, 同拉麵好配襯。埋單時仲可以挑戰6秒challenge 㩒一次鐘, 如果停正喺6:00就可以得到免費拉麵或晚市套餐一份; 如果停喺5:95-6:05 就可以得到免費飲品一杯; 如果停喺5:90-6:10 就可以得到$10折扣。
繼續閱讀
中午坐在窗邊，透過玻璃可以欣賞到灣仔電車路的景色。單單是這個賣點，已經足夠吸引人過來「竹麓拉麵」。有拉麵、沾麵、日式小食，點餐後可以和朋友慢慢傾計，環境確實一流。⎚ 1. 和牛肉鹽醬油拉麵拉麵的湯底以清淡的鹽醬油為基調，完美地突顯了和牛的鮮味。和牛肉質滑嫩帶陣陣油花，一塊和牛配上一口拉麵，入口就最滋味。⎚ 2. 爆裂和牛沾麵沾麵的醬汁獨特，微辣的調味令人印象深刻。沾麵的食法讓每一口都充滿儀式感，視乎口味來決定沾醬的幅度。同樣，和牛在微辣的醬汁中提升了整個味道。如果是口味比較重的就非常適合嚐嚐這個沾麵。⎚ 3. 半身若雞（北海道名物若雞時代）日本雞肉向來都非常出名。餐廳採用的是「Wakadori」，即北海道名物「若雞」。而餐廳的做法是經過低溫及高溫兩階段油炸，做得外皮酥脆，內裡卻保持了多汁的口感。每一口都能感受到雞肉的鮮嫩，完全食得出一個明顯分別。⎚ 4. 吉列雞肉年糕酥脆的外皮包裹著嫩滑的雞肉，搭配著彈牙的年糕，沾少少芥末醬，過口癮一流。⎚ 5. 百香果紅茶一杯甜一杯凍，食完拉麵可以清新一下。
繼續閱讀
日本過江龍拉麵店，裝潢充滿濃厚日式風味。除了拉麵，亦有提供一系列小食，還會不定期推出期間限定拉麵，拉麵迷不容錯過！黑豚肉餃子(5隻) ($48)外皮焦脆，內餡柔軟，每一口都充滿肉香。茄子慢煮牛肉 ($78)牛肉嫩滑，茄子軟腍入味，加上香甜的醬汁，滋味獨特。和牛肉鹽醬油拉麵 ($128)看似清淡卻充滿濃厚和牛風味，清香不膩，配上蒜粒更香口，層次豐富。豆乳擔擔拉麵(期間限定) ($98)以豆乳為湯底，配上香辣肉碎，辛香惹味，令人一口接一口。湯夠熱，拉麵掛湯，小食亦出色，令人食過返尋味！
繼續閱讀
和牛肉鹽醬油拉麵點咗店舖嘅招牌拉麵，和牛薄片，但都算幾大塊，好香牛味👍🏻👍🏻湯頭好飲唔口渴，拉麵彈牙😋😋爆裂和牛沾麵（微辣）呢個起初食都會有啲辣，食食下又覺得ok，好惹味，沾麵索晒啲醬汁，入晒味，食得好鬼過癮😋😋茄子慢煮牛肉見好多人推介，自己點個試下，真心唔錯，個醬汁好好味，茄子同和牛都好配，略嫌有啲幾舊，再大份啲更好😆黑豚肉餃子（5隻）煎得香口，中規中矩，算係幾大隻餃子🥟👍🏻
繼續閱讀